TVB新劇《隱門》即將喺下星期一首播,呢日一班演員陳展鵬、黃智雯、湯洛雯、吳岱融、劉佩玥、阮浩棕、盧宛茵、魯振順及張國強等出席宣傳活動,吸引唔少fans現身撐場。
展鵬、智雯及靚湯三人首次合作,佢哋覺得呢個組合幾新鮮,靚湯跟展鵬未合作前,一直覺得展鵬氣場好勁,好驚同展鵬合作,靚湯笑指跟展鵬相處後,原來展鵬好鍾意搞gag,今次劇集有吳岱融同張國強助陣,智雯喺劇中跟吳岱融飾演父女,不時被吳岱融虐打,佢對吳岱融又愛又恨!
劉佩玥與阮浩棕喺新劇有一段純情初戀,佢哋最難忘係同吳岱融合作,感覺係光宗耀祖,而吳岱融今次做大反派,「天哥」角色喪盡天良,做盡壞事,拍檔張國強首挑戰老人痴呆角色「強伯」,獲吳岱融讚演技高超。
登入後即可查看我的收藏
登入後即可查看瀏覽記錄