鄭國江作品紀念騷爆滿 嘉賓歌手表演舊年掀回憶

著名填詞人 鄭國江 一連4場嘅作品音樂會近日舉行，​​第二場表演當中，更邀請多位唱得之人擔任演唱嘉賓，當中好似 林子祥 夏韶聲 曾路得 露雲娜 區瑞強 麥潔文 等都先後現身。

一眾嘉賓分別獻唱了多首鄭國江嘅經典作品，阿Lam就演出咗大家耳熟能詳嘅《分分鐘需要你》同《莫再悲》，又喺觀眾席唱出充滿《東方之珠》。而夏韶聲就表演7、80年代嘅經典作品《童年時》同《交叉點》。

曾路得就獻唱咗三首感人至深嘅歌曲，分別係《那一天》、《風裡的繽紛》同埋《願》。露雲娜就先後唱出經典動畫《千年女王》同名主題曲同片尾曲《傳說》，仲有陳百強原唱嘅經典金曲《戀愛預告》。

區瑞強就為現場觀眾獻唱多首家喻戶曉嘅民歌，好似《愛在陽光空氣中》、《陌上歸人》、《那天再重聚》仲有好友盧業瑂原唱嘅《泥路上》。麥潔文就為大家獻唱原唱歌曲《萊茵河之戀》，徐小鳳嘅《風雨同路》同梅艷芳嘅《赤的疑惑》。李紫昕就帶領一眾小朋友獻唱一連串經典兒歌，好似《IQ博士》、《小太陽》、《叮噹主題曲》等。

佢哋表演嘅歌曲都出自鄭國江老師手筆，勾起觀眾充滿回憶嘅童年時光。演唱會接近尾聲時，區瑞強代一眾嘉賓們向鄭國江老師獻上一幅寫有「詞名一生」嘅字畫。呢幅字畫上簽滿嘉賓親筆簽名，象徵大家對鄭國江嘅崇高敬意。