澳洲潮什麼丨梁芷珮獻出處女Sky Dive 教大家親親Quokka兩大禁忌

旅遊節目《潮什麼》系列又嚟喇！今次旅遊達人 Christy梁芷珮將會帶大家體驗澳洲最流行嘅吃喝玩樂！
旅遊達人 Christy梁芷珮帶大家潮玩澳洲。食新鮮龍蝦。
話自己都係第一次踏足西北澳嘅 Christy，首集先同大家近距離親親有「全世界最開心動物」美譽嘅Quokka(短尾矮袋鼠)，之後又會挑戰14,000 呎高空嘅 Sky Dive，呢次仲要係Chiristy嘅第一次！刺激過後Christy會帶大家體驗價錢超值、包食包玩的嘅「出海套餐」，畀大約$1,500洗幣就可以有齊游水、浮潛、出海同超新鮮海鮮盛宴。睇相都覺得好食。

對於喺節目獻出處女Sky Dive，Christy 喺正式試跳前話驚到連自己個名都唔記得，但為咗體驗長達一分鐘嘅「高空自由時間」，Christy越級挑戰二級難度嘅14,000 呎高空跳，其間當佢目睹到同行嘅兩位「隊友」喺一級難度嘅10,000 呎高空起跳嗰陣，一度嚇得瘋狂大叫「變態」。不過當正式起跳後，Christy就已經克服心理障礙，事後佢仲話喺半空欣賞美景期間仲感動落淚，並自責冇做好「表情管理」，佢話：「因為以時速二百公里降落真係好刺激，我哋飛足五分鐘。開降傘時離心力最犀利，我喺半空忍唔住滴咗兩滴眼淚，因為個景實在太靚。」
處女Sky Dive 個景好靚。難怪Christy睇到會落淚。

另咗親親Quokka影靚相，Christy施展渾身解數，不但無視 Quokka「便便」、更多番「瞓身」試圖吸引Quokka注意，，而為咗令想去睇Quokka嘅觀眾可以順利同佢影到合照，Christy分享咗親親 Quokka兩大禁忌，大家記得萬勿錯過。

《澳洲潮什麼》於29號起逢星期一至三 22:30 翡翠台播出

Quokka 好可愛呀！ Christy教大家點親親Quokka。