新加坡直擊|《變形金剛》新作宣傳主演現身 Anthony臨急考車牌應付演出

新加坡直擊|《變形金剛》新作宣傳主演現身 Anthony臨急考車牌應付演出

科幻電影系列新作《變形金剛:狂獸崛起》日前喺新加坡舉行大型宣傳,主演嘅Anthony Ramos就同埋Dominque Fishback仲有TobeNwigwe加上監製同導演一齊現身,分享拍攝時隔5年之後新一部作系列作嘅感想喇。
新作除咗大家都非常掛住嘅 柯柏文 同 大黃峰 之外,主角Anthony亦會同佢嘅拍檔 幻影 成為故事主軸,但係原來開拍前佢先臨急抱佛腳去開車,好在最後一Take搞掂咋。

據指新作會成為前傳三部曲嘅其中一部,至於早前參與演出嘅 Hailee Steinfeld 有冇機會再現身,監製就指 王鎮泉 呢個問題想當有趣,亦都有空間可以再構想會如何發展喇。

《狂獸崛起》故事喺男、女主角嘅家鄉發生亦喺當地拍攝,難怪佢哋都話親切又投入喇,Anthony仲話Dominque拍攝準備嘅筆記非常細緻,好似論文一樣,非常認真呀。而Tobe今次雖然係首次參與電影演出,同時又為新片創作音樂部份,就連監製都大讚佢嘅表現呀。

電影泉攻略丨《哥斯拉X金剛:新帝國》演員分享拍攝花絮 《功夫熊貓4》故事總監分享創作靈感

王鎮泉 Jeoffrey  每星期為你提供最熱辣電影資訊,中外猛片專訪花絮上映時間全部集齊。「電影泉攻略」每周四買定爆谷陪你睇新戲。 

新片《哥斯拉X金剛:新帝國》,哥斯拉同金剛呢個怪獸組合拍到第五集,佢哋唔再係死對頭,而係要聯手對抗未知嘅神秘強敵,泉叔亦同戲中演員Dan Stevens、Brian Tyree Henry、Rebecca Hall、Kaylee Hottle,以及導演Adam Wingard做咗專訪,分享拍攝呢套動作大片嘅幕後甘苦。 

本周新片有法國電影《分身走錯佬》,以及老少咸宜嘅新一集系列動畫《功夫熊貓4》,而本集嘅故事總監係土生土長嘅香港人Kelvin Tsang,除咗分享自己喺電影中負責嘅工作,仲同大家分享影響自己最深嘅港產片,佢透露自己受香港電影影響好深,所以對動作設計好有興趣,今次亦擺咗好多相關元素入電影中,希望大家會鍾意。 

過去一星期嘅票房龍虎榜方面,內地女星賈玲自導自演嘅《熱辣滾燙》,票房好似片名咁熱辣,而第二位係由兩代捉鬼敢死隊合力炮製嘅《捉鬼敢死隊:冰封魅來》,而票房冠軍就繼續係《沙丘瀚戰:第二章》。

 相關推薦

熱門搜尋