一向扮乜似乜嘅 泰臣 呢日為一個兒童書展活動擔任嘉賓,以話劇形式為現場嘅小朋友介紹史上嘅唔同偉人,泰臣演得過癮之餘,仲覺得呢種形式可以令小朋友更易吸收同了解呀。除咗為小朋友演出之外,泰臣仲話希望開班教學,但係就並非教小朋友,而係向父母埋手,仲話教小朋友亦都需要演技同表演手法。佢又話年底就會同唔少強勁拍檔踏上舞台演出,亦都籌備緊唔同形式嘅表演呀。