一舞傾城丨蔡潔楊明激情半裸戲曝光 冇同女友莊思明備案?

一舞傾城丨蔡潔楊明激情半裸戲曝光 冇同女友莊思明備案?

TVB熱播劇《一舞傾城》今晚(29號)呢集將上演激情戲碼,暗戀Monica(蔡潔飾) 嘅志飛(楊明飾),喺Michelle(姚子羚飾)推波助瀾下成功約會Monica,二人意亂情迷下發生一夜情;惟Monica 事後對志飛有所避忌,似係未能走出失戀陰霾。

蔡潔同楊明呢場近一分鐘嘅親熱戲,兩人化身人肉風火輪轉住嚟咀。蔡潔同楊明呢場近一分鐘嘅親熱戲,兩人化身人肉風火輪轉住嚟咀,由門外咀到上床,楊明坦言冇乜尷尬,因為大家入咗行咁耐都明白係拍戲,佢又讚蔡潔好專業,自己亦有拍呢類戲嘅經驗,事前已溝通好,試咗幾次位,務求用最少Take數完成呢場戲。楊明坦言冇乜尷尬,又讚蔡潔好專業。問到事前有冇向女友莊思明備案?楊明笑言:「唔使備案,因為思明有份拍呢套劇,劇本佢睇到晒,佢知道有呢場戲,我會同佢講聲邊日會拍呢場。最好嘅係另一半都係演員,佢會明白係咩一回事。」講到劇中有除衫晒肌畫面,楊明表示事前做足準備:「因為唔想肥騰騰咁,所以拍攝前都有做掌上壓、引體上升泵脹啲肌肉,亦有聽前輩分享話拍之前要收水,希望啲肌肉唔好咁鬆散。但掌上壓又唔可以做得太多,因為驚做得太多之後啲動作唔夠力做!」
楊明同蔡潔試咗幾次位,務求用最少Take數完成呢場戲。講到劇中有除衫晒肌畫面,楊明表示事前做足準備。

楊明又指最好嘅係另一半都係演員,莊思明會明白係咩一回事。

《一舞傾城》逢周一至五晚 9 點半翡翠台播映 

陳法蓉因LOONG 9成團再衝熱搜 與TVB傾新合作重返娘家拍劇

一眾歷屆港姐盛裝出席3月16日舉行嘅慧妍雅集年度慈善晚宴,最美港姐朱玲玲、趙雅芝同老公黃錦燊、上屆主席劉倩婷同老公李丞責、鄭文雅、楊思琦、陳法蓉、莊思明同孖生姐姐莊思華、應屆港姐冠軍莊子璇同亞軍王怡然等,眾多美女雲集為慈善出力。

最近因為《亞洲超星團》練習生以LOONG 9之名出道,討論度火熱,因而再度令 陳法蓉 嘅經典電影角色「龍九」成為熱搜,Monica都有留意到,除咗多謝 曾志偉 令自己角色再度爆紅之外,更大爆同選秀節目早有緣份:「節目組曾經聯絡過我想我做客串評判,但我推咗,因為大家都知洪欣係我好朋友,我一直都好支持佢囝囝參賽,不時都喺網上為鎬濂拉票,如果我做評判唔係好恰當。」另外,Monica去年憑主演劇集《一舞傾城》首度提名大灣區視后,仲話黎緊好大機會返TVB拍劇,並透露現正洽談新劇合作。Monica好開心打入視后五強,更謙稱年屆50多仲有機會角逐視后好難得。

同場共襄盛宴嘅仲有電視廣播有限公司行政主席許濤、叻哥陳百祥同太太黃杏秀、擔任表演嘉賓嘅黎瑞恩以及周吉佩等,近年小恩子不時出遊,原來佢係為拍旅遊節目做準備,所以親身去實地考察,早前曾走訪新疆、長白山等不同地方,自己亦大手筆買咗駕旅行車四圍遊歷。

黎諾懿輪忙於宣傳主演劇集《婚後事》,但點都要現身支持今屆慧妍雅集主席兼老婆李潔瑩(Nicole),更大讚賢內助能幹,對內對外均打點得妥妥當當,諾懿笑言:「連我咁難搞佢都搞得掂,冇嘢難到老婆。」Nicole亦坦言呢個大仔最難搞,但宴會成功好感謝各方面配合同幫忙。

吉吉呢晚擔任表演嘉賓,太太黃彥欣都盛裝陪伴赴會,吉吉透露好快會有新歌同觀眾見面,喺歌曲中仲會送上佢嘅弱項跳舞,希望呢個創新挑戰可以令歌迷見到佢嘅另一面。

 相關推薦

熱門搜尋