古天樂連任電影總會會長 「總會拍電影」第二季公開招募劇本

古天樂連任電影總會會長 「總會拍電影」第二季公開招募劇本

去年香港電影大收旺場,幾部作品票房都有傑出成績,亦吸引咗大批觀眾重新入場。剛連任電影總會會長嘅 古天樂 ,就同總會決定推出第二季「總會拍電影」計劃, 將由6月1號起到8月15號期間接受報名,招募兼具本地特色同創意嘅電影劇本。

「總會拍電影」獲選作品《惡人當道》早前已正式開拍

4個獲選電影項目中,獲選團隊將分別獲投資最高港幣420萬元製作費,將劇本製作成商業電影。古天樂話:「觀眾陸續回歸戲院,港產片再次獲得大家的關注同支持。 而行內,更多年青編劇、導演、新演員,以致不同工作崗位嘅電影工作者仍努力不懈咁尋找實現電影夢嘅機會。所以第二季『總會拍電影』希望挑選到4個電影項目。 期望能鼓勵更多有本地特色、有創意同唔同片種嘅劇本參加,令香港電影行業繼續Power Up,繼續自強不息!」

「總會拍電影」計劃對參加者嘅資歷同經驗不限,旨在鼓勵創作,獲選製作團隊需聘用本地電影工作者擔任所有工作崗位,藉此為同業創造工作機會、培育新一代電影人才,推動行業持續發展。

首季「總會拍電影」計劃中,兩部獲選作品—《惡人當道》同《不赦之罪》於40多份參選劇本中脫穎而出獲投資開拍,現時兩部作品分別已進入後期製作及籌備拍攝階段。

古仔期望新一次「總會拍電影」可以鼓勵更多創意同新穎故事出現

入選首季嘅《不赦之罪》同《惡人當道》目前已進入後期製作階段

陳家樂爆大肚Shiga遊日禁食眼濕濕 蔡潔讚胡定欣素顏不失美態

香港電影工作者總會2024年春茗晚宴呢晚喺尖沙咀舉行,古天樂、張繼聰、張國強、陳家樂、衛詩雅、胡定欣、樂易玲、蔡潔、吳業坤、廖子妤、葉童、張松枝、張同祖等到場。

古仔近日與網紅合作去泰國拍旅遊節目,佢希望了解年青人拍片摸式,更自爆戒儲玩具10年,玩具倉仍有保留;同場嘅衛詩雅早前被家燕姐誤認係連詩雅(Shiga),連番恭喜衛詩雅「有喜」,呢日佢與Shiga老公陳家樂合照時搞笑扮大肚。

陳家樂日前與太太Shiga快閃去日本旅行,家樂指陀住BB嘅Shiga要禁食生冷嘢,Shiga望住大家食飯時感到有啲失望兼眼濕濕;蔡潔同時拍緊兩部劇,雖然拍劇佔咗好多時間,不過佢仍然對拍戲有興趣,蔡潔大讚胡定欣喺電影《臨時劫案》素顏亦不失美態。

坤哥早前跟日籍太太浜口愛子慶祝結婚一周年,佢同老婆去擺酒嗰間酒店飲杯嘢回憶吓,佢笑指冇準備禮物,亦冇送歌畀太太,身邊蔡潔同定欣笑佢面對鏡頭應該有一啲表示!

熱門搜尋