吳偉豪公開童年照 網民讚吳大強廿年樣貌冇變

藝人吳偉豪嘅爸爸吳大強早前參與TVB歌唱真人騷《中年好聲音》而為人認識，吳大強憑歌唱實力成功俘虜觀眾，
吳偉豪噚日喺社交平台同阿爸提早祝父親節，順便「賣廣告」，佢分享20年前嘅一張兒時與爸爸嘅合照。

不少網民讚吳大強廿年嚟個樣冇咩變化，甚至連穿衣風格都冇變化，兩父子一向感情好，吳大強早前暈倒，吳偉豪第一時間放下工作趕到醫院照顧爸爸。 

吳偉豪亦有發文細訴爸爸怎樣愛錫佢，佢指細個覺得爸爸好似「燈神」，滿足晒自己唔同願望，吳偉豪回想喺5歲嗰年生日前夕，佢同爸爸講想食生日大餐及最重要係有生日蛋糕，爸爸吳大強當然一早準備好，令吳偉豪有一個愉快又難忘嘅童年。 到爸爸生日嘅時候，吳大強總係要求簡單食便飯就可以，叫兒子唔使花錢慶祝。 

吳偉豪感謝爸爸一直無條件寵壞佢，慳慳埋埋就係為咗畀最好嘅嘢給予兒子。而家吳偉豪都想好似爸爸以前寵佢咁，對爸爸好，同時鼓勵爸爸繼續一齊追夢！