張寶兒陀B後變得揀飲擇食 爆老公袁偉豪恨生B女

張寶兒陀B後變得揀飲擇食 爆老公袁偉豪恨生B女

適逢6月1號國際兒童節,袁偉豪同張寶兒於社交平台報喜,一齊貼出「袁寶寶」超聲波照片,公佈榮升準父母,佢哋結婚兩年幾迎來第一胎,張寶兒爆老公恨生女!

張寶兒接受TVB娛樂新聞台訪問,指二人一直想要BB,不過佢哋冇刻意計劃,張寶兒覺得生仔生女都好,而袁偉豪想有一個女兒,張寶兒表示:「陀B有冇唔舒服,有腰骨痛、改變胃口,而家樣樣嘢想食,個人飲揀飲擇食咗,成日要瞓覺。」

袁偉豪同張寶兒於2016年合作拍攝節目《打工捱世界II》喺非洲結緣,二人喜愛去旅行,一開關即頻密快閃旅行,最近佢哋蜜遊潮汕拍旅行節目,袁偉豪喺記招上見到Patrick兒子即父愛泛濫,而佢哋5月13號受訪時更差啲漏口風!

上周fit爆時裝周行CatWalk 倪晨曦今晒巨肚宣布懷第三胎

上星期仲以fit爆身材出席時裝周嘅 倪晨曦Elva ,17號突然喺社放平台貼出自己晒巨肚嘅全家福,宣布自己懷上第三胎!而同為準媽媽嘅圈中好友朱千雪、連詩雅亦有留言祝賀。
Elva喺社交平台宣布喜訊。
36歲嘅Elva喺全家福帖文中留言宣布四年抱三嘅喜訊:「We are so excited to share this news 👶🏻Our family is growing! And so is my heart! Don’t ask me how I hid my belly for such a long time 😂」而令網民稱奇嘅係,Elva一星期前仲post緊自己出席時裝周嘅美照,當時佢嘅小腹平平,完全睇唔出已懷寶寶,估唔到一星期後會變成巨肚。
Elva突然晒出巨肚照。Elva上周仲出席緊時裝周,當時仲未見肚。

 相關推薦

熱門搜尋