咁你都唔識丨蔣祖曼爆麥雅緻係講大話高手 張頴康笑指婚姻信任度受考驗

咁你都唔識丨蔣祖曼爆麥雅緻係講大話高手 張頴康笑指婚姻信任度受考驗

張頴康、蔣祖曼同楊潮凱呢日各自搵咗一名親友作客全新遊戲節目《咁你都唔識》,蔣祖曼搵嚟髮型師好友助陣,而張頴康慘被4位朋友甩底,臨時搵老婆麥雅緻充當拍檔。

蔣祖曼爆玩呢個遊戲策略最重要係識講大話,佢指麥雅緻係講大話高手,張頴康笑言終於見識到老婆講大話嘅威力,對婚姻信任度出現質疑,楊潮凱呢次邀請大學師兄出戰玩遊戲,佢笑指反被對方拖累,不過楊潮凱稱整個過程開心又好玩。

張頴康阮嘉敏出海拍《警聲》 荒島取景事前禁食做足準備

張頴康阮嘉敏出海拍《警聲》 荒島取景事前禁食做足準備

張頴康 同 阮嘉敏 呢日現身西貢水警基地拍攝《警聲百二秒II》,為咗演活賊公賊婆角色,阿康塊面仲有一道相當有霸氣嘅紋身,不過講到呢日嘅拍攝難度,佢就即刻霸氣全消:「今日要去到荒島取景,一聽到荒島,就知冇廁所,所以我從朝早到而家都唔敢食嘢,無入就無出。」

呢集嘅劇情介紹SDU飛虎隊嘅日常工作,真正SDU成員客串演出,見到警界精英中嘅精英,Mandy即時大讚各位阿Sir身形Fit爆﹐無論邉個年齡層嘅SDU都係一樣。而阿康則著眼飛虎平日點樣制伏疑犯,又以第一身感受阿Sir點樣拘捕犯人,佢話終於了解到當中嘅小細節,下次演戲中可以應用。

熱門搜尋