伍樂怡宣布退出娛樂圈 家底豐厚專心搞自家品牌生意

伍樂怡宣布退出娛樂圈  家底豐厚專心搞自家品牌生意

30歲前港姐伍樂怡(Kelly)入行以來演出過不少劇集,佢日前喺社交平台透露自己已唔再從事幕前工作,未來將擺更多時間喺自家生意,佢感謝fans一直支持,以後佢亦喺社交平台不時分享自己近況。

伍樂怡突然宣佈退出娛樂圈,又指自己係想專心做生意,同時佢唔做幕前,做事比較隨心所欲、自由去做自己嘢,同埋抽時間去旅行,更多時間與機會同朋友聚吓,伍樂怡認為呢個先係佢比較嚮往嘅生活。目前佢享受着每日生活嘅忙碌,開心地努力拼搏,想方法做好自己嘅生意。

查實伍樂怡去年受訪時曾透露因要幫手打理家族生意,未必兼顧到演藝工作,伍樂怡生於富裕家庭,父親及大哥經營內衣生意,喺內地開設多間大型連鎖店,每年營業額高達500萬美金,伍樂怡喺加拿大出世及長大,佢於2016年回流香港,翌年參選港姐而入行,伍樂怡近年創立滑水衣品牌,又跟哥哥合資Bagel網店,伍樂怡前年被爆與經營家族生意嘅富二代Fred拍拖。 

伍樂怡曾與鄺潔楹及魏韵芝一齊拍攝旅遊節目《3日2夜》,被網民封係「仙氣女神」,伍樂怡亦曾參演不少劇集包括《星空下的仁醫》、《青春不要臉》、《金宵大廈2》等,佢喺《超能使者》嘅「阿七」等,而佢喺《超能使者》飾演「阿七」成日撞板,加上氣質出眾,令觀眾留下深刻印象!

黎明詩病逝 | 黎明詩98年嫁人離開娛樂圈 17年認「出櫃」獲家人支持

90年代玉女歌手黎明詩(Stephanie)病逝,終年58歲。
當年出道迷倒不少少男少女,可惜98年嫁給銀行家丈夫後就離開娛樂圈,從事過兩年保險業,之後回到英國幫手打理家族生意。
黎明詩自98年結婚就退出樂壇,可惜婚姻未如人意,之後跟銀行家丈夫Eric Fung離婚。黎明詩跟前夫曾經想生小朋友但不成功,她直言可能命中注定冇子女緣。
2017年黎明詩「出櫃」直認戀上同性,雖然外間反應比她本人預期大,而她自己就好淡然:「又唔係做啲咩壞事,自己都過咗某個年紀,都想做番一啲自己想做嘅事。」她亦坦言不是性別問題,在於夾不夾,亦絕非受刺激從而找個女伴。黎明詩當年表示絕無後悔「出櫃」決定,她的朋友及家人都知道更替她開心。最令她喜出望外是家人的反應:「佢哋好支持,我都估唔到。」
黎明詩與同性戀人Kelly早在30多年前在英國認識,幾年前在香港重遇,黎明詩曾形容跟Kelly「好夾」,最緊要互相相處溝通到。

 相關推薦

熱門搜尋