周柏豪疑似5年前全裸偷照被擺上網 經理人已聯絡律師：尋求法律意見

網上瘋傳一張疑似周柏豪喺更衣室沖涼嘅偷拍照，相中人疑望到拍攝者，頓時一臉愕然，有網民指周柏豪曾喺2018年自爆於更衣室內慘遭偷拍，稱叫咗拍攝者刪相，今次忽然流出呢張疑似呢張相，亦有人質疑相片真偽。

今日周柏豪透過經理人回覆：「我哋已經聯絡咗律師，尋求法律意見，現階段不方便回應。我哋會保留一切的法律追究權力。多謝大家關心。」 

其實喺更衣室偷拍屬刑事罪行，周柏豪曾喺5年前講過自己喺體育館比賽後，於更衣室換衫被偷拍，當時一位18歲肇事者於門口位置用手機偷拍佢，周柏豪嬲爆喝止對方，肇事者想逃跑，其後周柏豪指肇事者承認偷拍並已刪照片，最終周柏豪放咗佢走。未知今次流出嘅照片係咪同此事有關！？