李佳羅啟豪合作拍MV 重現經典《兩忘煙水裡》

雖然《中年好聲音》已經完結一段時間，但係當中嘅成員就繼續有唔同嘅工作參與，好似呢日 李佳 就同 羅啟豪 一齊為劇集《天龍八部》嘅片尾曲新版本《兩忘煙水裡》拍攝MV，佢哋仲話今次係重唱自細聽到大嘅歌曲，感覺非常特別呀。

今次MV分開拍攝，不過佢哋就話要學識加強幻想，先容易更加投入呀。雖然今次同參賽時佢哋都合唱過，不過佢哋就話如果有真正屬於自己嘅合作歌就非常完美咁話喎。

由外地返港發展歌唱事業嗁英國豪，呢日又提到終於正式安頓好，由英國正式搬返香港嘅佢，就話有啲唔捨得，不過就好開心可以正面迎接將來呀。而李佳亦都話近日教唱歌事業越嚟越忙，不過忙得非常開心呀。