林明禎生日開工客戶輪流慶祝 大一歲盼事業順利搬大屋

日前啱啱迎接33歲生日嘅 林明禎 ，呢日現身一間時裝店嘅開幕活動，仲獲主辦單位送上蛋糕補祝生日。喺香港定居嘅佢，雖然近來工作冇停過，不過就一直獲客戶為佢慶祝，難怪佢話開工過生日都一樣開心啦。

廣東話越來越進步嘅佢，仲話生日願望就係工作更加順利，仲希望接觸更多唔同工作，仲話本來打算今年會推出新歌，但係就因為好快又要開拍新戲，所以計劃又要再推遲喇。喺香港租地方住嘅佢，仲話對屋企咩都滿意，不過如果可以住大啲就Perfect，所以要再努力工作搬大啲呀。