林明禎青春性感現身代言 生日收Lisa簽名喜上眉梢

林明禎青春性感現身代言 生日收Lisa簽名喜上眉梢

夏日熱辣辣,連天文台今年都加設極端酷熱天氣提示,而唔少女士都紛紛以清涼打扮外出,好似呢日 林明禎就以露背小背心加一條短裙仔現身活動,唔知在場男士見到會唔會覺得熱上加熱呢?

為飲品店現身嘅明禎啱啱度過33歲生日,慶祝活動未停過,不過呢日依然Fit到爆,呢日佢仲話今年收到最愛嘅BLACKPINK成員Lisa親筆簽名作為禮物,呢日佢講起都感覺到佢非常開心呀。

明禎大小活動同唔同代言都成日現身,所以呢日佢就話連瞓覺都唔夠,所以都唔使話旨意有拖拍喇。雖然近年佢專注唔同電影同廣告工作,不過以歌手身份出道嘅佢,就話希望可以三棲發展,仲話會安排返台北錄音造新歌呀。

年初已經租屋嘅明禎,又話雖然有安樂窩,不過就始終嫌地方唔夠大,所以會繼續努力工作,希望可以早日買到背山面海嘅大屋咁話呀。

胡美貽踏入三十 「港女野人」閨密們送驚喜亞馬遜爬樹蛋糕為壽星女慶生

J2er索女胡美貽(Nicole)踏入30歲,當然慶祝活動一籮籮,日前獲幾位《港女野人》美女成員廖慧儀、陳若思,連同好姊妹黃嘉雯坐陣,大搞驚喜生日會。眼見社交平台的新相所見,又有造型蛋糕、又有特色小吃,當然不少得派對必備的汽球和鮮花,逗得壽星女Nicole非常開心。

Nicole接受其他傳媒訪問時表示:「我哋都係喺屋企搞,一齊食吓嘢咁,黃嘉雯仲送咗紮花畀我,特別整咗個蛋糕畀我,話係照住我喺亞馬遜爬樹嗰幕嚟整,我好鍾意,覺得好得意。」黃嘉雯亦指:「我同Nicole係一齊拍節目認識,平時喺J2聚會都成日見,我哋前晚喺朋友屋企搞Party,佢哋整咗啲homemade taco同佢慶祝生日,我都係第一次食,好有創意!」

圖片來源:網上IG

幾位《港女野人》美女成員廖慧儀、陳若思,連同好姊妹黃嘉雯坐陣,大搞驚喜生日會亞馬遜爬樹蛋糕為壽星女慶生派對必備的汽球和鮮花《港女野人》美女成員廖慧儀、陳若思,連同好姊妹黃嘉雯

 相關推薦

熱門搜尋