超級毛特兒大賽|參賽主人面對愛犬離世人生感悟 黃嘉雯與狗狗合拍水著照

超級毛特兒大賽|參賽主人面對愛犬離世人生感悟 黃嘉雯與狗狗合拍水著照

今個星期繼續熱鬥嘅《超級毛特兒大賽》,10強將會舉行「睡衣Party」,應援團團長Yumi鍾柔美以當年參加《聲夢傳奇》嘅經歷勉勵各參賽者︰「我當時壓力都大,所以同自己講,齋做好自己同享受過程就得,呢樣好緊要。」

Yumi以《聲夢》參賽經驗勉勵十強參加者

其間各位狗主齊齊分享養狗喜與樂,當中以「薯餅」主人Jimmy嘅故事最有洋蔥,原來「薯餅」有個哥哥叫「薯仔」,早前因病不幸離世,仲因而令Jimmy自始不敢再賴床,Jimmy話︰「有一朝『薯仔』好唔舒服,原來佢要『走』喇,我仲一路喺度賴緊床,直到全屋人叫醒我,先知佢情況已經好差。」

Jimmy坦言因為另一愛犬離世,令自己一改散漫嘅性格

Jimmy憶述當時薯仔條脷已變成紫色,但仍一直堅持望能見到Jimmy最後一面。Jimmy指當時二話不說抱住薯仔飛車前往找獸醫,佢哽咽話︰「頭盔入面全部係眼淚,因為我知佢已經走咗。嗰次之後我冇再賴過床,因為唔知會miss咗啲乜嘢。」

身為主要持嘅Carmaney星期四晚將以泳裝亮相同狗狗們合作拍攝

而星期四晚播出嘅一集將會係水著通告挑戰,除咗10組超毛主人同愛犬之外,主持之一 黃嘉雯 亦會以三點式泳衣亮相,同愛犬「多士」合作拍攝水著照。Carmaney接受TVB娛樂新聞台訪問時,仲話面對一班可愛超毛壓力非常大,佢話︰「佢哋好多props,我得件衫乜都冇。」又笑指為極速減肚腩,已連續多餐以雞蛋充肌喇。

《超級毛特兒大賽》星期一至五晚 22:30 J2
《超級毛特兒大賽》總決賽 星期日晚 21:00 J2

胡美貽踏入三十 「港女野人」閨密們送驚喜亞馬遜爬樹蛋糕為壽星女慶生

胡美貽踏入三十 「港女野人」閨密們送驚喜亞馬遜爬樹蛋糕為壽星女慶生

J2er索女胡美貽(Nicole)踏入30歲,當然慶祝活動一籮籮,日前獲幾位《港女野人》美女成員廖慧儀、陳若思,連同好姊妹黃嘉雯坐陣,大搞驚喜生日會。眼見社交平台的新相所見,又有造型蛋糕、又有特色小吃,當然不少得派對必備的汽球和鮮花,逗得壽星女Nicole非常開心。

Nicole接受其他傳媒訪問時表示:「我哋都係喺屋企搞,一齊食吓嘢咁,黃嘉雯仲送咗紮花畀我,特別整咗個蛋糕畀我,話係照住我喺亞馬遜爬樹嗰幕嚟整,我好鍾意,覺得好得意。」黃嘉雯亦指:「我同Nicole係一齊拍節目認識,平時喺J2聚會都成日見,我哋前晚喺朋友屋企搞Party,佢哋整咗啲homemade taco同佢慶祝生日,我都係第一次食,好有創意!」

圖片來源:網上IG

幾位《港女野人》美女成員廖慧儀、陳若思,連同好姊妹黃嘉雯坐陣,大搞驚喜生日會亞馬遜爬樹蛋糕為壽星女慶生派對必備的汽球和鮮花《港女野人》美女成員廖慧儀、陳若思,連同好姊妹黃嘉雯

熱門搜尋