支嚳儀呢日邀請好友倪晨曦去到自己間烘焙店舉行活動,趁機會同好友聚會兼整蛋糕。佢話平時如果自己有壓力,好似次前參與《中年好聲音》嗰陣咁,壓力勁大時,就會嚟到烘焙店整蛋糕嚟減壓,佢又話唔少戰友都食過佢整嘅蛋糕呀。
講到之前同魏嘉信出席商演,支嚳儀就話唔好睇對方係律師就一定不苟言笑,其實對方係個好風趣嘅人,仲會成日突然爆幾句泰文出嚟引大家笑㗎!對於fans組成咁fans club「支心人」,支嚳儀話估唔到自己參賽嘅經歷會對咁多媽媽級fans造成影響,佢又鼓勵大家去參加《中年好聲音》第二季,因為佢話參賽經歷一定會令大家獲益不少呀。
至於係兩子之母嘅倪晨曦,就話試過喺屋企整香蕉蛋糕,但因為焗燶咗而畀小朋友同外傭姐姐嫌棄呀!
登入後即可查看我的收藏
登入後即可查看瀏覽記錄