容祖兒個唱現假招聘工作人員廣告 主辦方籲防詐騙：從沒授權任何公司聘請員工

近日有一間名為「CGL COMPANY」喺社交媒體落咗海量廣告，指容祖兒《ANOTHER SIDE …… JOEY · MY SECRET · LIVE》演唱會招聘工作人員，職務為控制人流，處理出入登記、搬抬工作，薪金高達$960元一日，仲有食飯及交通津貼，似乎待遇優厚，不過主辨方今日澄清並冇授權任何公司聘請員工。

疑似詐騙網亦肆無忌憚喺網上與「應徵者」聲稱自己係代表英皇娛樂及演藝學院招聘幫工，當「應徵者」表示想做，對方即馬上改口指演唱會未開始，但可以先做其他同類型線上工作，為藝人團隊及VIP代訂酒店等， 然後要求「應徵者」留係聯絡資料，個人資料及電話等，再搵專人聯絡傾談工作內容。

演唱會總監馮貽柏表示該廣告含有詐騙成份，英皇娛樂及演藝學院並冇對外公開聘請容祖兒演唱會員工或兼職幫工，亦從未受權任何公司代表佢哋聘請員工，請大家留意唔好受騙！