何廣沛一講戀情甜甩牙 劉穎鏇新劇首次扮空姐

近日傳出新戀情嘅 何廣沛 呢日同身材Fit爆嘅 劉穎鏇 一齊為一間超市擔任開幕嘉賓，身為藝人嘅佢哋一向注重身材管理，呢日就同大家分享自己嘅小貼士喇。Tiffany仲話平時行超市最後注重就係食物嘅營養，至於最近飲水就飽嘅Matthew，一問到戀情仲甜絲絲咁左閃右避。

雖然啱啱忙完拍攝《奪命提示》，不過Tiffany就提到好快就會加入新劇，所以都唔可以亂放肆，將會首次扮演空姐嘅佢，近來就做足功課研究喇。

而近日喺《你好，我的大夫》扮演中醫嘅Matthew，除咗拍劇令佢學識唔少中醫知識之外，原來對養生方面都有研究，仲話希望大家睇完新劇會更了解中醫同傳統智慧咁話喇。