周冬雨呼籲大眾小心網騙 陳妍希分享朋友墜殺豬盤經歷

周冬雨同章宇等呢日現身北京出席新片首映，仲請嚟王晶、黃渤同陳妍希等擔任嘉賓。電影以網絡詐騙為主題，講述由周冬雨飾演嘅女主角遭遍殺豬盤後決心復仇嘅故事。兩位主演呢日就呼籲觀眾遇到網絡情緣時要提高警惕，周冬雨仲話雖然交友係好事，但前題係要先好好保護自己呀。而章宇就話遇到詐騙事件時，受害人往往會反過嚟被指責，佢坦言咁樣係本末倒置，大家應該指責騙子而唔係怪責受害者呀。

而陳妍希睇完電影後感觸良多，佢又分享一位朋友墜殺豬盤嘅經歷，仲話睇電影前唔明朋友點解會被騙，但睇完電影後就明白喇。至於黃渤就讚劇本相當吸引，又話戲中各演員嘅演技都相當出色。