(多圖)情牽煇黃經典演唱會｜紅館兩場表演拉開序幕 經典金曲整晚唱不停

一連兩場 「情牽煇黃經典演唱會」星期六晚喺紅館正式展開，身為煇哥徒弟嘅音樂總監 徐日勤 同樂隊演奏多首煇黃金曲揭開序幕，之後由 陳潔靈 打頭陣獻唱《今晚夜》，佢話：「今晚見到好多好朋友，真係咩回憶都返哂嚟。」

陳潔靈

緊接出場嘅 張德蘭 為觀眾獻唱《鮮花滿月樓》同《願君心寄取》，佢指當年煲電視劇嘅日子，每當電視一響起主題曲前奏，隔離鄰舍就會擺好櫈仔，聚埋一齊欣賞劇集 。之後 葉振棠就現身唱出 嘅《忘盡心中情》、《萬水千山縱橫》，以及屬於三首經典作品《天蠶變》、《大內群英》同《萬里長城永不倒》。

張德蘭葉振棠

遠道由加拿大返港嘅 雷安娜 先獻唱《舊夢不須記》、《隨想曲》同《狂潮》，之後仲同 周吉佩 合唱《人在旅途灑淚時》。吉吉亦獨唱《當年情》同《誰可改變》兩首金曲。

雷安娜、周吉佩 喺煇黃演唱會合唱

接力嘅華娃先為大家帶來自己嘅經典歌曲《雲娘》，加上《一見你就笑》同《惜別》，之後佢仲指會暫時告別舞台，往後會否再見就要睇緣份喇。

華娃宣佈將暫別舞台

除咗吉吉之外╴同樣來自《中年好聲音》嘅 李佳 則為觀眾表演《郊道》同《奮鬥》。另一位由加拿大遠道返港嘅仙杜拉，喺二胡大師霍世潔伴奏下，獻唱廣東歌經典《啼笑姻緣》，仲有《送郎》同《風雲》等歌曲。

李佳

仙杜拉

至於下月時就會喺麥花臣場館舉行個唱嘅龍婷，先唱出《焚心以火》，之後表演國語歌《夢》時更大騷「舞功」，然後佢又同李佳仲有吉吉合唱《鐵血丹心》同埋《世間始終你好》。

龍婷喺表演大騷舞功

由北京返港嘅羅嘉良獻唱《季節》同《近代豪俠傳》，佢指煇哥同霑叔都係香港樂壇瑰寶，大批樂迷包括自己都係聽住煇黃歌曲長大。至於自澳洲返港嘅葉麗儀就以《上海灘》、《萬般情》同《龍虎鬥》喚起觀眾回憶，Frances仲話每次開演唱會，歌迷都必定會點唱以上歌曲，仲非常感謝當年謝煇哥同霑叔寫出呢三首歌曲。

羅嘉良 葉麗儀由澳洲返港表參與演出

壓軸出場嘅汪明荃就為觀眾帶來《用愛將心偷》、《京華春夢》仲有《萬水千山總是情》，汪阿姐話：「今晚唔止係重溫煇哥同霑叔留俾我哋嘅作品，亦係一次重聚嘅好機會。過去幾年大家都經歷唔少，但風雨過後總有天晴。最後一眾歌手合唱《獅子山下》完成第一晚精彩演出。
汪明荃呢晚壓軸出場