8月底喺苦等幾年之後終於完成首次紅館個唱嘅 江海迦 ，旋即馬不停蹄為巡迴演唱會準備，上周六就將演唱會移師到佛山國際體育文化演藝中心舉行，為巡迴演出拉開序幕。呢晚全場爆滿，可以話出師得利，而AGA父母同早前自述創業困難嘅未婚夫 鄭子邦 都有現身支持。

AGA嘅巡迴演唱會喺佛山展開序幕

咋離AGA上一次喺佛山開騷已經長達5年時間，今次佢為令歌迷可以完整體驗整個演出，製作團隊特意將整個舞台由喺佛山場館重現，更係場館歷來首次出現可以傾斜嘅舞台，

製作團隊為咗表演完整性，用盡方法安排AGA由屏幕現身

為保留開場時AGA喺LED屏幕現身嘅效果，又喺現場搭建流動升降台，不過因為設計有別於紅館演唱會，AGA要於約三層樓高嘅高處現身，佢話：「雖然我無畏高，但都有少少驚，因為真係幾高，上到個高台都唔敢企太出，我覺得今次係比紅館再高啲。導演同公司好好，因為我想同香港場一樣喺LED Wall位置出場，所以就算去到咩地方演出，佢哋都幫我諗辦法做到呢個效果，好多謝佢哋。」

AGA事前又為調查歌迷喜好，為大家調整歌單

AGA又提到5年後再到當地演出嘅心情：「我記得上次咁多場巡迴演出，佛山嘅觀眾係最熱情嘅！多謝你哋陪我一齊去等到呢一日，呢幾年大家嘅生活都經歷不同起伏，但希望你哋知道，你永遠並非一個。」

AGA事前原來亦非常留意歌迷嘅留言，因為知道大家都喜歡《Wonderful U》呢首歌，所以歌單特別唱出中文版《圓》同英文版《Wonderful U》。又先後獻唱《一》、《孤雛》、《無期》、《Superman》等大熱作品，全場大合唱時近萬名觀眾又一齊打開手機燈光，將場館變成一片星海，場面壯觀。

昆凌呢日喺台北出席品牌活動，講到做緊巡迴嘅老公周杰倫，被傳早前喺天津站時一度遇到舞台機械事故，被困舞台達20分鐘，不過事後唱片公司澄清並冇此事，只係周董身體不適。

呢日昆凌就表示老公身體好返好多，狀態已經恢復，但佢就話自己當日聽到消息時有被嚇親，所以第二日就飛咗去當地探老公喇。