譚俊彥赴台拍攝《尋找世界另一個我》 獲昔日戰友款待感窩心

譚俊彥（Shaun）上半年忙完電影工作後，迅即回歸電視圈，稍後會隨大隊到內地開拍重頭劇《企業強人》，不過拍劇前，Shaun先要出發去台灣拍攝節目《尋找世界另一個我》，節目會講述與同名同姓嘅嘉賓分享彼此生活，Shaun好期待同對方見面，而為咗有更真實感覺，Shaun已向劇組要求完全唔需要事先知道內容，屆時可以真實感受對手，同時感受自己，展現最真一面。

Shaun多年前曾經喺台灣發展，不過已經十幾年未有踏足台灣，今次可以重返事業成長地，未出發已經被預約，佢話：「好多朋友都話要見面，即使夜機佢哋都話你嚟時間太短，一定要嚟搵我，佢哋好sweet，令我好開心。」今次行程急趕，Shaun希望稍後有機會帶埋小朋友一家遊台同老友見面。