陳自瑤古裝現身直播重現《公主嫁到》 當年回憶出晒嚟凍齡一樣靚

雙十一仲有幾日就到，大家嘅購物車準備成點呢？呢日 陳自瑤 再次現身TVB同淘寶合作嘅購物直播，仲以《公主嫁到》嘅古裝氣質重現川平公主一角，Yoyo仲話一著返呢件戲服回憶統統返哂嚟呀。

Yoyo仲話過往每次拍古裝，服裝姐姐都會用盡力為女演員包得有咁緊身得咁緊身，以便展示玲瓏身段，不過Yoyo就指次次都會辛苦到連胃口都冇埋，所以就寧願要求鬆動少少舒服啲喇。

已經好一段時間冇拍古裝劇嘅佢，又提到一著上戲服就令自己戲癮出晒嚟，加上呢日整個主題都非常配合，所以就更令佢想再次參與古裝劇拍攝喇。呢日雖然見Yoyo邊拍賣邊食冇停口，不過Yoyo就指因為太忙，所以就算唔停狂食都搞到自己唔肥仲瘦咗呀。