TVB台慶劇《叠影狙擊》噚晚（8號）及今晚呢集劇情繼續圍繞魏曉晨（周秀娜飾）以「梁曦」（周秀娜分飾）身份為亡妹死亡真相進行調查，其間揭出梁曦死亡可能與隧道爆炸案有關，曉晨遂使計接近涉案人物利民高層Dicky（李忠希飾），並意外認識利民CEO涂文諾（黃浩然飾），文諾似係對曉晨一見鍾情…另邊廂梁曦男友袁晟杰（黃宗澤 Bosco 飾）對假扮梁曦嘅曉晨開始起疑並展開調查，揭出梁曦與神秘環保團體Green World有關……

娜姐一有時間就做功課。

周秀娜之前喺社交平台分享劇照及工作照，透露拍攝期間撞正疫情最嚴峻時期，自己喺120日嘅拍攝時間當中佔咗117日要開工，每日開工前要做快測，又坦言一人分飾兩角唔容易：「我想拍電視劇和電影最大區別，是電視劇真的每天要拍很多場戲，尤其是當要一人分飾兩角， 每天拍攝時間就會相對更長！」娜姐表示呢套劇係佢拍過以嚟最需要體力嘅戲。 

娜姐啲打戲確係有台型。娜姐成功躋身打女行列。

不過娜姐努力得到回報，《叠影》播映至今除咗被指演技大有進步，其超凡身手亦贏盡焦點，令娜姐成功躋身打女行列。今晚娜姐為咗勇救好友飛飛（朱鑑然飾），將手袋掟向債主、再緊接高難度凌空穿心腿一幕甚為搶焦，除咗跳躍力驚人，整套動作一氣呵成。鏡頭前型爆嘅娜姐，受訪時笑言其實喪吃NG：「因為導演想一鏡到底見晒成套動作，包括掟手袋、跳躍同踢到衝埋嚟嘅演員，要夾好晒呢系列動作嘅時間好難，所以NG咗好多次。」娜姐又指成功完成整套動作全靠「幕後黑手」：「騰空嗰吓係難，不過只係鏡頭上呃咗觀眾，其實全程係有武指托住我，否則對腳好快跌返落地。」

娜姐又指成功完成整套動作全靠「幕後黑手」。娜姐特訓苦練穿心腿，真係台上一分鐘、台下十年功。

至於繼《施公奇案》後相隔17年再以劇集角色身份喺無綫亮相嘅文頌嫻（文女）亦係《叠影》焦點之一。劇中飾演Green World創辦人Tina嘅文女忠奸難辨之餘，與娜姐關係睇落密切，背景成謎。

李忠希同娜姐喺劇入面有唔少親密接觸，拍攝前做足溝通。

劇中文女以爽朗短髮造型上陣，身形仍keep得不錯，故獲坊間封為「凍齡」代表，對此文女笑言可能係遺傳：「其實我算懶，當然必須要做 facial，平時生活要定時；湊小朋友後我都好少零晨12點後瞓，同埋會傍晚6點前食晚餐。」文女又指做人要保持心態正面，並謂相由心生有助保持靚樣。文女笑言平時笑笑口隱藏唔少秘密，今次只係做自己：「劇中表面上絕對係好人，其實又係壞唔晒嘅壞人。」談到相隔17年再於劇集出現，文女希望觀眾會覺得佢與以往不一樣：「希望觀眾覺得我演技上有突破同成熟咗，唔係以前嬌滴滴妹妹仔。」

文頌嫻因保養得宜獲封凍齡代表。

佢同娜姐嘅關係以及佢個角色到底忠定奸，係劇集懸念之一。 《施公奇案》嘅文女。娜姐同黃浩然疑似有感情線。黃浩然 vs 郭政鴻飛飛得知閨密梁曦其實已死亡時傷心爆喊。于洋飾演娜姐爸爸。

台慶劇《叠影狙擊》逢周一至周五晚9點半翡翠台播映

黃宗澤 同 周秀娜 主演嘅台慶劇《叠影狙擊》一播出就帶出懸疑劇情，加上大量槍戰同動作戲份，緊湊氣氛非常吸引，而再次同娜姐嘅Bosco，早前拍攝一場池畔戲份時，就幻想會見到娜姐嘅水著風彩，點知最後竟然大失所望喎。

Bosco話原本以為周圍都係比堅尼美女，點知一到場就被殺手追殺，眼睛冇冰淇淋之餘都有好彩之處，因為特警追緝嘅連場動作戲就交由新加坡特警娜姐包辦喇。

分飾兩姊妹嘅娜姐，同香港高級督察Bosco因為查案有唔少接觸，加上女友離奇死亡，慢慢就發現越來越多線索同牽扯出更多案件，難怪佢話叫大家要緊貼劇情喇。