陳凱琳玩室內攀石練肌鬥志鬥力得天獨厚保持少女身形

娛樂新聞

2023-11-09 23:30

陳凱琳（Grace）、貝安琪同胡曦文（Christy）呢日出席一個保健品宣傳活動，Grace平日又要工作又要湊住3位兒子，凡事佢都親力親為，尤其煮食方面好講究健康。

Grace認為小朋友食嘢少糖少鹽多蔬菜，如果大人跟呢個兒童餐單進食對自己身體幾好，難怪老公鄭嘉穎請外傭姐姐就一定要對方識蒸魚，而Grace最近愛上整紅菜頭煮意粉，Grace生咗三個小朋友，依然保持得天獨厚嘅少女身形，Grace近排發現新興趣要鬥志鬥力，玩室內攀石玩咗兩個鐘完成任務好有滿足感，日後佢都想帶阿仔一齊去玩。

「鐵馬家族」傳感情有變鄭嘉穎表弟王賢誌突爆SEED似意有所指：日久見人心

東張娛樂

2023-12-06 19:51已更新：2023-12-06 19:52

馬國明、湯洛雯大婚在即，馬明多年來與「鐵馬家族」兄弟姊妹感情要好，惟「大哥」鄭嘉穎近年卻鮮有齊人，日前更指不會出席馬明的海外婚禮，令「鐵馬家族」感情生變傳言越鬧越大，惹來外界無限揣測！

近日，鄭嘉穎的表弟王賢誌，忽然在社交平台更新發文，內容指：「始終都係日久見人心，幕前幕後兩個樣其實我早就見識過，所以一早已經放棄同呢個人有任何聯繫，如果問起我佢嘅嘢，Sorry佢唔係我邊個，連朋友都講唔上，千祈唔好再問我。」此一席話即時引起網民討論，難免令人懷疑他意有所指。