大劉劉鑾雄今日（10號）於下午3時半突然開記者會，對網上五大傳聞作出回應，主要係有關瘋傳「大劉遺囑風波」，傳投資恆大巨額虧損、「財產全給前妻子女」、「甘比被踢出局、甘比800億落空」、「劉鑾雄清倉恆大慘虧110億，危機關頭藝術品套現」，大劉斥以上報道疑有人作出嚟，傷害其屋企人，指對方為咗自我陶醉，好後悔幫過呢個人。

大劉下午3點45分步出，談吐輕鬆自若。

下午3點幾已有半百記者到場等候，枱上放有大劉想回應嘅相關網上文章副本，大劉下午3點45分步出，談吐輕鬆自若，逐一回應多篇網上文章內容，有關財政分配出現變化，涉及當年華人置業投資恒大債券後傳出現虧損嘅影響，誤傳「大劉生命倒計時？換腎出現嚴重排斥發燒昏迷」等，大劉稱投資恒大係由自己決定，甘比有關心老公有冇蝕錢，大劉只講有賺過，但係就唔會透露賺蝕詳情，大劉指從來冇嬲過許家印，但後悔冇聽太太勸早啲賣恒大股份。

大劉喺記招上先講起後悔之前幫個「賤人」，寧願由對方破產。

大劉首次講臨急開記招原因：「因為我再唔出聲，有啲人會越做越離譜。我唔知你哋有冇見到啲新聞講呢樣講嗰樣。」大劉喺記招上講起後悔之前幫個「賤人」，寧願由對方破產，當日幫對方只係唔想仔女有一個阿媽破產而影響仔女心靈，「睇返轉頭真係由得佢破產好過，幫佢都好閒，幫咗佢唔使破產，又有啲錢就有自己網上打手做呢啲嘢」，疑似講緊早前幫舊愛呂麗君解財困一事，大劉指當時對方冇買恒大，而係買「I Kill You Later」嗰啲，大罵對方投資「無腦」，「以為佢好精，其實蠢過隻豬，豬頭炳嚟，佢最蠢以為做乜嘢唔知，好似駝鳥政策，將個頭埋喺沙裡面，睇唔到人，人哋又睇唔到。」

大劉又指對方曾被Call孖展追債3次有晒記錄，大劉喺收回大屋亦決定拆咗再建。

大劉又指對方曾被Call孖展追債3次有晒記錄，大劉喺收回大屋亦決定拆咗再建，「以前我都猶豫緊拆定唔拆，因為裡面裝修好靚，佢住過我唔拆都唔得啦，買碌柚葉水洗過都唔掂…要收到收晒，蠢咗，救都救晒，以後冇呢啲拉圇」、「有人賤到無論，成家都係做賊，納米型小賊，成家都係……冇一個係好人」；大劉又稱有時自己打畀阿仔，對方總喺隔籬搭嘴，「你估佢搵我，我會聽佢電話！？」大劉澄清對方冇幫忙投資過倫敦物業，又指對方「一支牙膏一張單都claim三次，呢句說話我作出嚟就絕子絕孫…超級市場執單都拎嚟claim，你估我唔知咩，我嘅會計部check得好緊，仲有佢最擅長係買名牌後平價賣出街」。

枱上放有大劉想回應嘅相關網上文章副本，大劉話睇到火都嚟埋！

大劉有回應分身家大爆：「一早分哂，你知唔知點解我要分定家產呀？當我喺醫院，佢上嚟睇我死唔去，唔夠兩分鐘就走咗，佢知我唔死得，仲同記者講同我扮close。為咗安全決定分咗，律師仲講我分咗就冇，我答『我寧願分畀我而家睇錯嘅人，我都唔願分畀呢個人』。」大劉又指對方揾律師開張傳票夜晚11點送出，「最叻就係陰陰濕濕做嘢」、「忍咗賤人好多次」，大劉透露太太陳凱韻（甘比）曾叫過唔好開記招怕影響到某個仔同女，大劉強調太太冇失勢，要還太太公道兼保護屋企人，「有人入屋殺我屋企人，就算跛同攤咗都要作垂死掙扎、垂死反抗」！大劉回應接班人問題，堅決表示係能者居之，而太太陳凱韻喺金融投資冇蝕過錢，反而喺藝術品投資上幫手賺超過200億，大劉亦有講點解甘比同三個仔女咁抵錫係因為夠聽話：「知道我賺錢留畀佢哋，我叫佢哋送100、1000萬畀人，佢哋都會照做，執行我嘅意思。」

下午3點幾已有半百記者到場等候。

此外，大劉上次記招有講過「食屎陳師奶」，原來佢係《愛‧回家》粉絲，現場有記者問佢最近仲有冇睇，大劉就話：「笑上嚟硬膠，塊面唔識郁，女嚟㗎，人都係為咗揾食。」唔知大家講緊係邊個呢…… 

大劉劉鑾雄今日（10號）於下午3時半突然開記者會，對網上五大傳聞作出回應，主要係有關瘋傳「大劉遺囑風波」，傳投資恆大巨額虧損、「財產全給前妻子女」、「甘比被踢出局」、「劉鑾雄清倉恒大慘虧110億，危機關頭藝術品套現」，大劉斥以上報道疑有人作出嚟，傷害其屋企人，指對方為咗自我陶醉，好後悔幫過呢個人。

大劉稱投資恒大係由自己決定，甘比有關心老公有冇蝕錢，大劉只講有賺過，但係就唔會透露賺蝕詳情，大劉亦從來冇嬲過許家印，但後悔冇聽太太勸早啲賣恒大股份，疑似講緊早前幫舊愛呂麗君解財困一事，大劉指當時對方係買「I Kill You Later」嗰啲，大罵對方投資「無腦」，大劉又指對方曾被Call孖展追債3次有晒記錄。

大劉澄清對方冇幫忙投資過倫敦物業，又指對方「一支牙膏一張單都claim三次，呢句說話我作出嚟就絕子絕孫…超級市場執單都拎嚟claim，你估我唔知咩，我嘅會計部check得好緊，仲有佢最擅長係買名牌後平價賣出街」。