曾小敏年底來港演出邀汪明荃梁兆明任嘉賓參與演出

娛樂新聞

2023-11-11 10:30

著名粵劇表演藝術家曾小敏一向致力推廣粵劇文化，呢日佢舉行記招將於12月底喺香港舉行兩場演出，邀來汪明荃同梁兆明任嘉賓參與演出。

曾小敏今次跟香港青年交響樂團合作，阿姐汪明荃多年嚟同樣熱心推廣粵劇發展，曾小敏透露佢同阿姐合作原來唔止一次，今次阿姐一口答應演出，更反邀小敏擔任廣州騷嘉賓。

吳美英盼《新梁祝》重演效果更好梁兆明梁非同成粵劇界新一代CP

粵劇界新一代CP梁兆明與梁非同演出嘅劇目《新梁祝》，早前喺公演時大獲好評，呢日班主彭美施、藝術總監吳美英聯同劇中演員齊齊出席發佈會，宣傳將會重演兩場。

梁非同表示由於蝴蝶喺劇中係相當具代表性，所以喺化蝶一幕劇場上會有一個投射，佢話之前演出時觀眾見到後嘅反應都非常驚喜，所以佢希望今次重演會有更多觀眾入場。而梁兆明就話《新梁祝》喺傳統嘅基礎上，加入新元素吸引新觀眾入場。

身為藝術總監嘅吳美英，就對兩位後輩讚口不絕，仲話見到梁非同願意不斷學習，對佢相當滿意。講到今次重演，吳美英就話希望佢哋喺一啲之前演出得唔太順暢嘅位，今次重演可以做得更好。