歌唱真人騷《中年好聲音2》12號晚播出第四部曲《26強勁歌金曲淘汰賽！》，經過一輪激戰， 本回合MVP由顏米羔奪得，而 李榮耀 同 陳麗媚 就被淘汰，最終24強名單包括 沈宗賢、王學琳、顏米羔、王玥、劉威煌、鄭梓浩、林若盈、譚輝智、 劉可、簡潔明、古淖文、陳俞霏、陳燕娜、黃劍文、曾蜜詩、安雅希、袁思樂、 陳蒨葶、梁浩賢、麥素華、朱博文、周碧嘉、林偉璣 同 尹新杰。

呢集以白色單邊露膊裝上陣；獻唱天后彭羚 《小玩意》嘅陳燕娜表現出色，佢解釋唱呢首歌嘅原因：「過去都係唱慘情歌，成日苦口苦面，今次想挑戰自己唱得Sweet少少同埋開心啲。」

陳燕娜一改慘情選曲就獲85分佳績

而佢甜美嘅演出，最終獲得85分佳 績，亦係整集最高分選手，張佳添就大讚佢：「要讚你嘅氣息，呢首歌最大挑戰 係要用好靚嘅氣唱好長嘅句子，第二個挑戰係要有好靚嘅頭聲，只要一唔靚成件事就會冧檔，我覺得好Enjoy。」而續任客席評審嘅Amanda李蕙敏就指：「呢啲歌要用陰力，你係用到嘅，我好開心好欣賞，同埋玩真假音要不斷練習，你都算係高水準！」

可惜有喜亦有悲，來自馬來西亞嘅陳麗媚獻唱《千個太陽》，可惜表現未獲評審青睞，最終只得74分。令獲得75分；整晚留喺危險區嘅沈宗賢以一分之微逃過被淘汰命運，不過同陳麗媚一樣來自馬來西亞嘅佢就一樣傷感，仲忍唔住爆喊：「我真係冇諗過係佢，因為我哋兩個都係馬來西亞人……我覺得佢唱得好好。」麗媚進入危險區後即時同宗賢擁抱安慰：「好驚我哋兩個都出局，唔緊要啦，起碼仲有一個(馬來西亞)代表，係咪先？」 

陳麗媚呢晚表現普通，最後以一分之微被淘汰

26名選手演出完畢後，最終73分嘅李榮耀同74分嘅陳麗媚確定淘汰，身為懲教主任嘅李榮耀感謝家人支持之外，亦感邀同事幫助同鼓勵。至於獲女兒跨海來港到場支持嘅陳麗媚就話：「我個女難得嚟到，但媽媽就攞唔到好成績，不過我真係盡咗力，同埋好開心識到你哋(指一班參賽者)。」

呢晚佢千金由大馬來港現場陪同比賽，雖然未能晉級，不過母女間應對就非常甜蜜溫韾

今個回合嘅MVP由Amanda頒發，佢話：「今晚有幾位特別突出，最後決定有兩位，第一位係唱《小玩意》嘅陳燕娜，另一位係唱《誰可相依》嘅顏米羔。」最終決定MVP獎頒予顏米羔。

顏米羔表現穩定，呢集被選為回合MVP

《中年好聲音2》逢星期日晚 21:00 翡翠台

歌唱選秀節目《中年好聲音2》21 強正式誕生，喺兩集導師分組賽中，紅藍綠三組學員嘅心情可以話好似搭過山車一樣，由韋綺姍帶領嘅藍組上集分數最低要淘汰尹新杰，呢集卻迎嚟第二季節目入面最高分數嘅舞台，「中聲Adele」安雅希憑張國榮金曲《今生今世》獲得93分，而佢亦同時獲封MVP。可以唱到連嘉賓評判關心妍都感動落淚，同獲得俾分相當手緊嘅伍仲衡嘅認同，安雅希表示: 「好Surprise 好Shocked! Rita老師好似媽咪一樣，好辛苦每日都陪我哋練歌﹐歌詞、情感、畫面、拍子、包括髮型，Rita都手諗。」

而上集分數最高嘅紅組竟然喺呢集分數最低，無奈林偉璣要被淘汰，節目中作為導師嘅谷婭溦自責到喊，指自己未能兌現令全員晉級嘅承諾。有個咁上心嘅導師，林偉璣都話就算被淘汰都覺得呢個經驗很寶貴: 「短短兩個星期入面，Vivi老師令到我有很多改變，很多提升，反而這次得多過失。」而谷婭溦就話呢個真係一個速成班，見到學員嘅表現覺得好欣慰。

總括兩集綠組總分最低，簡潔明也要離開中聲嘅舞台，作為導師嘅彭家麗就話各位學員都交到功課，將個幾星期學習到嘅東西發揮出來，Kitty簡潔明就多謝大家支持中聲家族，大讚台前幕後都好有愛。

21 強選手曾蜜詩、林若盈、王玥、朱博文、鄭梓浩、陳燕娜、麥素華、陳蒨葶、劉可、顏米羔、陳俞霏、王學琳、安雅希、沈宗賢、周碧嘉、袁思樂、黃劍文、梁浩賢、古淖文、劉威煌、譚輝智會繼續下輪比賽。