全新偶像選秀節目《亞洲超星團》11月25號(下周六)晚隆重首播，節目星期一正式發布《亞洲超星團》主題曲《閃耀/Shining》MV，65名超星練習生以灰色西裝上陣，喺舞台上整齊一致勁歌熱舞，非常有型。

65位超星練習生已經準備就緒，下周六正式同公眾見面

而官方連日亦陸續公開宣傳片，身為超星總製作人嘅韓流天王Rain同超星導師C君分別為一班超星練習生打氣，Rain寄語一眾未來之星話：「作為偶像最重要的就是要自信，作為一個團隊，是要互相彌補彼此不足的地方。」而C君就指：「新一代國際級男團， 就係要大膽玩、大膽試！」

片段亦同時加映部分超星練習生嘅演出精華，其中香港代表 丁子朗 黃奕斌 區珀豪 合體跳唱陳小春嘅《啼笑姻緣》，以白色西裝上陣嘅佢哋大曬勁爆舞姿。

佢哋以整齊畫一灰色西裝表演嘅主題曲已經正式公開

而另一香港代表 冼靖峰 就同與其他練習生組隊，以全白Look上陣化身白馬王子，對鏡頭大 Chok型仔樣！另一段宣傳片就見到超星導師程瀟、朱正廷合體為超星練習生鼓勵，程瀟話： 「一次次超越過去，重塑自我，只為毫無保留地把更好的自己展示在舞台上！」 朱正廷就話：「不因陌生舞台害怕，也不因強大對手退後，如果你自己都不認可自己了，別人怎麼會認可你。」

一眾來自各地嘅超星練習生為節目奮發演出

一眾超星導師當中，朱正廷同程瀟雖然比較年輕，但其實背景勁猛料！27歲嘅朱正廷演出經驗豐富，2017年就曾赴韓國參加《PRODUCE101第二季》，2018年參與內地節目《偶像練習生》更獲得第6名，成為限定男團NINE PERCENT成員出道，同年再與同公司練習生組成 NEXT兼擔任隊長，微博粉絲人數仲高達2400萬人。

節目下星期六正式首播

至於25歲的程瀟早喺5歲已開始學習中國舞，一身好「舞」功嘅佢被星探發掘赴韓國接受訓練，2016年以女團宇宙少女成員身份出道，到今年3月合約到期宣布退出。長相甜美嘅程瀟身材弗到漏，加上身體柔軟度極高，被喻為「人間芭比」，微博更擁有1241萬粉絲，人氣同樣高企。

《亞洲超星團》11月25號起 逢星期六晚 20:00 翡翠台

偶像選秀節目《亞洲超星團》今（2號）晚8點翡翠台播出，優酷國際版同步上線；節目播出後，myTV SUPER「亞洲超星團專區」將獨家上架《亞洲超星團（加長版）》，播出更多絕密花絮及演出片段，包括因時長關係被剪走嘅練習生Solo表演片段。

大熱奧利今集登場。 五人組合HELLO WORLD二人組合HK組合方玉亨大晒功架，原地自轉15個圈，勁到爆。

《亞洲超星團》搜羅全亞洲別具潛力超新星，喺世界流行文化領域組男子組合，節目召集人曾志偉邀得韓國殿堂級偶像Rain擔任超星總製作人，亦邀請蘇志威、程瀟、朱正廷及農夫（C君、陸永）擔任超星導師。

方玉亨同王坤爭咪演出都好精彩。亨亨獲得Uncle劉德華支持參加比賽。四人組合美杜莎

今晚播出第二集繼續係初舞台才藝考核，餘下練習生將悉數登場，是集出場名單如下：五人組合HELLO WORLD嘅舒灝、郝瑞然、孫瀟威、阿昕然及奧利、二人組合HK組合嘅方玉亨及王坤、四人組合美杜莎嘅楊亦辰、愛合、艾煜坤及黃輝雄、五人組合頂破天花板嘅張鎬濂、羅奕傑、艾克力亞、謝鑫及譚思源、五人組合多巴胺的黃星綽、寧浩然、江文俊、黃攀及衛軒汶、四人組合霹靂旋風嘅李澤楊、黃奕斌、區珀豪與丁子朗，還有與第一集趙天翼一樣Solo演出嘅李權哲。

五人組合頂破天花板，成員平均身高188cm，勁誇張。洪欣兒子張鎬濂志偉聽到平均身高188cm後，笑言唔敢企出去。五子大晒逆天長腿。

今集最大睇頭除咗有「初印象人氣排名」No.1嘅奧利登場，香港代表會悉數登場！組合霹靂旋風中有3位香港代表，分別係丁子朗、黃奕斌同區珀豪，丁丁一出場便以出道7年嘅老新人來自我介紹，佢哋以白色西裝上陣跳唱Medley《算他敢愛敢做》，志偉指睇得非常投入，又叫程瀟猜丁子朗、黃奕斌當中邊個係香港先生，程瀟怕醜叫佢哋表現，志偉搞笑下令二人除衫，靦腆嘅二人怕醜地除西裝外套，志偉點到即止叫停，開估丁丁係香港先生，場面搞笑！Rain見狀大晒廣東話：「好犀利。」

頂破天花板型格演出。五人組合多巴胺香港代表黃星綽四人組合霹靂旋風

Rain又指丁丁面部表情特別好，但四人跳唱水平比較業餘，需要再多加練習。丁丁事後透露當年除咗面試香港先生外，仲曾面試韓國練習生公司：「我曾經想做Idol，但係foul咗我，冇要我，依家有機會畀我實現出嚟，我梗係參加啦，依家唔追夢，我唔知幾時可以再追夢。」

黃奕斌 區珀豪丁子朗霹靂旋風落力演出。志偉搞笑下令兩人除衫，最後都係點到即止！丁丁原來面試過練習生想做idol。

名模歐陽妙芝嘅15歲兒子方玉亨，與王坤組成HK組合演出《The Greatest Show》，練開芭蕾舞嘅亨亨甫出場大晒功架，原地單腳自轉15個圈後仍表現得輕鬆自如，技驚四座；之後亨亨與王坤演出特意設計只有一支咪，兩人一邊跳舞一邊搶咪唱歌，視覺效果十足。歐陽妙芝與天王劉德華份屬老友，亨亨透露今次參加節目全靠華仔鼓勵：「佢自己都係好細個入行，所以佢都明白我嘅feelings，今次嚟嘅原因好大係因為佢好支持我，佢好相信我可以做得好。」節目中更會公開亨亨兒時與華仔合照。

Rain讚丁丁表情做得唔錯。

藝人洪欣兒子張鎬濂今集亦登場，高大有型嘅佢與平均身高188cm練習生組成頂破天花板，五位「高人」一齊搞笑地大騷逆天長腿，志偉笑言：「我不敢站出來！」Rain被佢哋迷倒：「各位都長得特別帥，以致我動了想簽你們的想法。」至於香港代表黃星綽所屬嘅組合多巴胺，五子以色彩繽紛服裝上陣，大晒可愛一面，Rain笑言稱非常活潑：「很像Idol的一個舞台。」想知道邊個係超星練習生能喺初舞台表現排行第一？密切留意偶像選秀節目《亞洲超星團》周六晚8點翡翠台播映！

李權哲Solo演出。