中年好聲音2｜24強誕生顏米羔獲選MVP 大馬陳麗媚淚灑愧對兒女支持

踏入第四回合嘅《中年好聲音2》經過星期日一集之後，24強名單正式誕生，而一班歷經緊繃比賽同練習節奏嘅參加者，呢日錄影之後仲話要相約食宵夜放鬆吓呀。至於呢集嘅MVP就由表現平均嘅 顏米羔 獲得，不過就連佢本人都大感意外喇。

賽前連聲都開唔到嘅佢，仲話呢集出盡全力演出，而客席評審 李蕙敏 仲大讚佢投入又表現一流。而大馬來港參賽嘅 陳麗媚 呢晚獲囡囡越洋到香港親身支持，不過最後就以些微之差行人止步未能晉級，佢賽後提到對每次陪伴自己演出嘅長子抱歉，覺得非常過意唔去，不過千金就大讚媽咪已經表現非常好喇。

而另一被淘汰嘅 李榮耀 就非常平靜接受結果，仲話會繼續唱歌呀。