鄧麗欣Stephy相隔16年再舉行限定一場演唱會，眾多到場嘉賓入面，最矚目嘅一定係Stephy以前組合Cookies嘅其中五位舊隊友：Karry吳雨霏、Miki楊愛瑾、Gloria陳素瑩、Angela區文詩同Elaine何綺玲齊齊現身支持，盛傳不和決裂7年嘅Miki同Karry，更係喺反目傳聞後首度世紀同框，坐埋一齊睇騷！

演唱會上當唱到Cookies經典歌《最後一塊》時，台下5位Cookies嘅隊友已經開始有人眼濕濕，Stephy喺騷後都話覺得自己好勁，唱呢首歌時可以忍住唔喊，佢又話自己喺台上刻意唔望幾位隊友，因為唔小心望到一眼已經哽咽，所以佢即刻移開視線呀。

講到Miki同Karry一齊出現兼一齊坐嘅畫面，令大家相當驚訝，Stephy就反問點解佢哋唔可以一齊出現，仲話兩位感情冇問題，平時唔同聚會都會有見面呀，Stephy指都想盡快約個時間同幾位舊隊友食飯聚下舊。

今次演唱會以情緒同成長作為主題，當中仲結合咗Stephy嘅畫作等藝術元素，佢話由於畫作等好多都係一次性，要reset都好麻煩，為免麻煩到工作人員，所以佢先會決定只開一場，至於問到Stephy之後會唔會擺返多啲時間喺音樂上？佢就話經過咁多嘅沉澱，加上今次呢個騷，佢嘅音樂癮已經出返嚟，但因為想所有嘢都盡善盡美，所以叫歌迷們再畀啲時間佢呀！

年屆72歲嘅李家鼎前妻施明，上年因喺家中跌倒而需要入院做開腦手術並喺深切治療部留醫，直到今年3月，施明當時喺個人社交平台上分享自拍照，從相中可見施明剃光頭髮，頭部貼上紗布，不過施明嘅表情面帶微笑，當時恢復進度應該唔錯！

相隔8個月，呢日施明再次更新社交平台分享近況，原來佢已低調出院並留有一頭長髮。

相隔8個月，呢日施明再次更新社交平台分享近況，原來佢已低調出院並留有一頭長髮，貼文配圖則用一張溫馨慶生照，大仔李泳漢一家及僧侶均有出鏡，不過前夫鼎爺同細仔李泳豪就未見身影，早前曾傳李泳豪為咗台灣老婆而跟阿媽施明母子反目。

前夫鼎爺同細仔李泳豪就未見身影。

不過施明有孫萬事足，12月5號係施明生日，有三個孫賀壽令佢成個人甜晒，指今年生日喺屋企慶祝非常高興，仲有三個寶貝孫，感覺非常溫馨溫暖，字裡行間都感受到佢嘅幸福。

施明指今年生日喺屋企慶祝非常高興。12月5號係施明生日，有三個孫賀壽令佢成個人甜晒。