近日已經開始投入拍攝新一輯《肥媽李鼎打大佬》嘅 肥媽 因為近年不時喺網上開Live同大家分享生活，吸納大班Fans，日前更同接近600名Fans齊齊喺佢主辦嘅狂歡音樂晚宴盡興。肥媽嘅老死兼好拍檔黑妹 李麗霞 一早就同團隊到現場打點，而《中年好聲音》嘅評審拍檔 周國豐 張佳添 伍仲衡，仲有導師韋綺姗，加上成員 吳大強 顏志恆 羅啟豪 支嚳儀 曹敏寳 涂家堯 ，同曾入圍100強嘅多位參賽者都有到場支持，支嚳儀仲特別製作Bling Bling蛋糕送俾肥媽。

肥媽日前同600多名Fans舉辦聚會

呢日晚宴以70年代懷舊造形為主題，主角肥媽就以一身閃爆衫加喇叭褲同鬆糕鞋現身，一眾嘉實同Fans一樣悉心打扮到場，當中仲以韋綺姗嘅淑女造型同顏志恆嘅爆炸頭髮型最為突出。

一班好友同《中年好聲音》台前幕後都齊齊支持

而多位好聲音歌手亦先後為大家高歌表演，之後大合唱時嘅《愛情陷阱》、《半斤八兩》同《Monica》3首80年代經典，更令全場起身隨住歌曲節奏舞動。之後肥媽、黑妹姐同韋綺姗更即席鬥唱，先後為大家獻唱多首中英歌曲，肥媽獻唱《Stand By Me》仲激動話：「我呢個阿婆、阿嫲，活到70歲都有您哋嘅支持。」

支嚳儀人到之餘仲準備大型蛋糕到賀呢晚70年代主題就以顏志恒嘅打扮最突出喇大家又先後上台為台下Fans高歌，場面非常熱鬧

肥媽完騷後指，等今次同Fans嘅等到頸都長，早前一向歌迷會公布聚會消息後，2小時內全場 47圍枱座位就被搶購一空，更有歌迷特別由外地來港出席，仲直接帶埋行李到場。肥媽仲話感激獎品贊助商提供價值近700萬元奬品，又希望政府可聯絡各區酒樓，合作推出價錢相宜菜式，同時加入抽獎同唱歌等元素，希望有助港人留港消費、振興經濟。
肥媽仲指希望可以政府協助舉辦類似活動，鼓勵居民留港消費

TVB歌唱真人騷《中年好聲音2》逢周日晚9點翡翠台播出，節目由車婉婉擔任主持。周日（3 日）晚播出一集是 第五部曲《廿四強導師分組賽！致敬傳奇巨星！》下半場，評審團除咗有肥媽、 伍仲衡、張佳添及周國豐外，仲有關心妍（Jade）暫替陳慧嫻出任評審，星級導師分別係藍組韋綺姍、綠組彭嘉麗及紅組谷婭溦。下半場「致敬傳奇巨星」系列係「張國榮」、「黃家駒」及「陳百強」，出場歌單如下：《今生今世》安雅希、《風繼續吹》王學琳、《大熱》陳俞霏、《喜歡你》梁浩賢+黃劍文、《情人》袁思樂+周碧嘉、《無盡空虛》沈宗賢+林偉璣、《深愛著你》譚輝智、《我的故事》劉威煌、《盼望的緣份》古淖文。

今集「致敬傳奇巨星」系列係張國榮、黃家駒和陳百強。

陳俞霏紅色皮褸+大 Red 唇造型好搶眼！溦溦話俞霏一開始時唔太聽話喎。

紅組陳俞霏今集獻唱《大熱》，佢著紅色皮褸、塗咗大Red唇、蠟咗一個All Back頭上陣，造型搶眼。導師谷婭溦坦言俞霏唔太聽話：「可能佢一開始會唔聽我講嘢，但係唔緊要嘅，當佢見到每個學員有進步，而佢自己好似冇進步時，佢就會知道緊張！」結果經溦溦悉心調教，俞霏演出時嘅Hyper指數下降不少，聲音變得溫柔，只係偶有拉咪飆高音，周國豐讚呢個係好明顯嘅進步：「你之前好Hyper式嗰種發癲，今日係收斂咗，收斂得嚟係一個Performance應有嘅standard。」Jade指俞霏好Fresh、好型格同好舒服，不過佢覺得俞霏有刻意去Show off唱功。

韋綺姍笑指譚輝智終於唔係一舊飯，台風 Level Up。韋綺姍歸功於尹新杰。來自湖南、現職拉丁舞老師的35歲尹新杰。

藍組譚輝智獻唱《深愛著你》，性格內斂嘅譚輝智自參賽以來一直台風欠奉，今集佢一洗頹風，獻唱時終於識得郁吓兼單吓眼，令人眼前一亮。韋綺姍對此特別感謝已被淘汰嘅尹新杰：「多謝尹新杰幫我哋（藍組）執晒啲台風，唔會令輝智企喺台度一嚿飯咁！」張佳添給予不俗評價：「送4個字畀你，恰到好處，我覺得你係今季嘅羅啟豪，畀到愈嚟愈多好嘅亮點令大家記得你，睇好你！」周國豐卻反高潮：「呢隻歌係懷緬緊以前，所以唔應該係開心嘅歌。」

梁浩賢（右）咁大膽唔交「功課」？

藍組黃劍文、梁浩賢合唱《喜歡你》，原來韋綺姍對學員咬字要求甚高，賽前要求學員錄讀歌詞嘅聲帶畀佢，韋綺姍指大部分學員好聽話，惟浩賢冇照 做，浩賢即認衰仔：「唔會有下次！」畫眼線化身Rock友嘅黃劍文、梁浩賢一唱一和，默契十足，婉婉笑言唔認得劍文：「好似變咗街童，差塊滑板就可以去踩板！」張佳添認為唱Rock版《喜歡你》係OK嘅，但首歌始終係Rock Ballad嚟，我Feel到Rock嗰Part，但Feel唔到Ballad。」今集將會淘汰2名參賽者，到底邊個可以笑住入21強？密切留意周日晚播出的《中年好聲音2》！

黃劍文、梁浩賢一唱一和好合拍。婉婉笑言佢哋似街童。袁思樂、周碧嘉

安雅希、古淖文王學琳、劉威煌

《中年好聲音2》周日晚9點翡翠台播映