上陣鬥村超被指沉唔住氣冇品報復黃日華自拍片道歉認錯

娛樂新聞

2023-11-15 13:00

上星期明星足球隊喺香港大球場主場迎戰榕江村超聯嘅比賽，雖然已經落幕，不過當日黃日華被犯規踢跌後隨時報復一幕，就被指有欠球品風度，事後短片瘋傳更在網上發酵。

雖然現場觀掌賽事或事後於網上翻睇片段嘅網民，各有不同的意見，而球賽間雙方隊員有肢體接觸同爭議其實非常，當時球賽亦未有間斷繼續比賽，亦未發生進一步衝突，整個球賽亦毫無火藥味。不過華哥事後就決定拍攝短片公開向村超球員、球迷同網民致歉。

華哥於片段當中指出自己未有控制好情緒致衝突發生，成為球賽嘅一個瑕疵。亦承諾往後會好好管理情緒，繼續熱愛足球運動、支持國家足球。賽事結束後，雙方球員都有出席大會安排嘅慶功宴。互相祝酒氣氛融洽。席間切大燒豬時，氣氛更非常熱鬧。

黃日華騷郭大俠型格招牌動作張兆輝預告明星足球隊深圳邀請賽加表演環節

娛樂新聞

2023-11-26 11:30

香港明星足球隊深圳邀請賽將於下個月開波，呢日球隊代表黃日華、張兆輝、衛志豪及莫家淦現身深圳跟傳媒見面為比賽造勢。

華哥日前喺一場球賽疑似「發忟憎」踢對方隊員被網民批評冇品，事後華哥好快拍片道歉，呢日出席球賽記招見佢心情未受影響，更即場騷當年喺《射雕英雄傳》型格招牌動作，華哥同輝哥指若果當天唔使開工，大家一定出賽，希望下個月以球會友嚟一場真正嘅友誼賽。

此外，輝哥透露賽事將加入表演環節，不過佢哋未有講詳情，最重要係用唔同方式帶畀現場朋友一啲開心同娛樂。