女團ME&搞商場唱跳快閃黃淑蔓連家穎為譚旻萱驚喜慶生

娛樂新聞

2023-11-17 00:30

由譚旻萱Mandy、黃淑蔓Feanna同連家穎Vian組成嘅女團Me&正式出道，呢日佢哋聯同8位dancers一齊喺商場嚟個快閃，吸引到個百人圍觀。Feanna話自己非常緊張，未正式出場前已經想喊，直到表演完落台後，佢終於都忍唔住喊出嚟。Feanna又指努力咗兩年，第一次公開演出係大成功。面Mandy就話出show前完全唔敢攬Feanna，因為對方同佢講自己一版攬就會情緒失控呀。

Vian就話自己都有喺街頭快閃過，但今次畀佢嘅感覺完全唔同，由於今次係演出自己嘅歌，加上有親友到場支持，可以畀親友睇到佢呢兩年嚟一直準備嘅嘢，令佢相當感動。

11月15號係籃球女神嘅23歲生日，Feanna同Vian就決定為隊友嚟個驚喜慶生，佢兩個又唱又跳夠晒誠意，至於講到生日願望，Mandy就指因為身邊好多人都病，所以佢希望可以身體健康呀！

新女團Me&秘密受訓兩年黃淑蔓學舞曾一度心灰崩潰

娛樂新聞

2023-11-28 11:30

全新女團Me&籌備兩年近日終於出道，成員譚旻萱（Mandy）、黃淑蔓（Feanna）及連家穎（Vian），Feanna同Mandy雖然早就出道，不過兩年前佢哋接受秘密任務，喺香港遙距跟韓國老師學跳舞，今年1月更到韓國正式受訓。

三女非常難忘受訓日子，Feanna同Mandy最先入團，後來Vian加入，Feanna坦言一開始見面有啲尷尬，後來佢哋一齊相處慢慢培養出默契，Feanna回想學舞期間曾一度心灰崩潰，幸好有Mandy同Vian安慰。