萬千星輝賀台慶丨郭柏姸空中瑜珈險走光力保不失 獨家率先回應膽戰心驚

一眾各屆香港小姐喺《萬千星輝賀台慶》合作嘅「舞動鼓樂齊飛揚」當中，除咗各位佳麗力量美貌並重之下嘅鼓樂表演，早前特訓學習空中瑜珈演出嘅 郭柏姸 就獨自被吊起至近3層樓高演出，一身粉紅色貼身瑜珈服裝上陣嘅佢，仲不斷旋轉間做出多個高難度動作，但係就似乎因為斜膊上衣加上佢申展動作，令佢幾乎走光而多次要申手拉住上衫。

好彩Rosita最後都力保不失，表現亦都非常出色，事後佢受訪時仲非常激動。但係佢就話有做足安全措施，大家唔使擔心。不過日前因為半身乏力，就一度有擔心未能上陣，仲話要多謝醫生同教練協助呀。