何雁詩 同 陳健安 呢日分別到電台受訪，早期Stephanie透露囝囝似乎希發展遲緩嘅問題，呢日佢就提到正尋求合適治療方法，雖然初時非常擔心，不過相信囝囝情況會逐漸改善，亦已分別請教過唔同醫生意見喇。

由年頭忙到年尾嘅On仔，就笑言今年係入行以來忙嘅一年，稍後仲會推出個人概念大碟，佢又提到個人演唱會亦已落實，下年就跳出虛擬喺真正舞台為大家演出呀。

歌手陳健安（On仔）日前在社交平台貼出膝頭受傷的相片。相隔數天，On仔再度更新傷勢，透露原來其左腳證實是前十字韌帶完全斷裂，令人擔憂，認真陰公豬！

On仔為前香港隊甲組足球員，日前踢波時意外整傷膝頭，原以為只是皮外傷，後來才知道事態嚴重：「一聽到嗰刻好唔開心，想喊出嚟，心諗咁易咩？動作都好平常啫。然後就思考受傷原因，過程當中身邊都會有好多說話，令到自己將責任放大同放晒喺自己身上，好自責好唔開心，例如年紀大機器壞、訓練唔夠、熱身不足、去完非洲返嚟舟車勞頓唔夠休息等。自問以上都做足，但當然唔可以排除上述嘅因素。」

On仔又寫道，其中一個沒考慮的外在因素，就是場地和球靴，他聽過不少膝頭受傷的人是在仿真草上受傷：「視乎係第幾代仿真草場，我都唔太識，但我係喺顯田仿真草足球場整親，第一次踢呢個場，着短膠粒釘boot，整親嗰刻覺得隻腳有啲啜住咗喺地，然後膝頭就擺一擺就傷咗。」

On仔心情非常低落又言：「唉，無諗過人生第一次傷膝條前十字咁就斷晒，係完全斷晒。」不過，On仔都有自我安慰，認為受傷是運動的一部份：「斷咗就多一個選擇就係可以做手術。因為如果唔斷，醫生守則上都冇嘢可以做。」

加油，On仔早日康復！

圖片來源：陳健安IG