新一輩歌手同現身慈善演出 Jay Fung發黑圖解釋非異議頒獎十強

娛樂新聞

2023-11-21 17:30

張天賦陳蕾洪嘉豪馮允謙雲浩影同近日人氣爆燈嘅尹光呢日齊齊參與一個戶外慈善音樂會，分別為現場觀眾表演。陳蕾同嘉豪即將會齊齊開演唱會，呢日MC就指過往已經多次互相擔任嘉賓，所以呢次就由主人家自己決定邀請名單喇。

而光B開完演唱會又被推到電台頒獎禮男歌手名單十強，反而Jay Fung就失落名單中，呢日佢就指早前入圍12強已經非常開心，而網上黑圖並非對結果有異議嘅意思呀。

而型爆登場嘅魏浚笙今次已經非首次出席戶外表演，佢仲指自己表現比過往淡定，近日推出新歌嘅佢仲話曲風同以往有別呀。至於新女團 Me& 呢日亦現場唱跳新歌，仲話對表現滿意咁話。

文詠珊接新戲睇緣份周吉佩稱當年求婚對太太有虧欠

娛樂新聞

2023-12-07 17:30

文詠珊、周吉佩、陳蕾、洪嘉豪、余香凝、楊洛婷同老公Tim，呢日出席一個珠寶活動。近年專注喺內地發展嘅Janice，最近憑住一套懸疑電影，成為內地35億票房女星，佢話因為今年冇唔少收穫，所以覺得今年係感恩嘅一年，但講到嚟緊接劇本嘅要求，佢就話隨緣喇。

吉吉同太太早前就浪漫慶祝結婚9周年，不過呢日佢出席活動，就話自己仲係虧欠太太好多喎，而呢份虧欠竟然係同當年嘅求婚戒指有關！

入圍金馬影后嘅余香凝，就話自己當係出席一個大型party咁，完全冇為自己而緊張，反而佢係戥同片嘅梁雍婷緊張，因為佢覺得對方真係演得好好呀！余香凝話今次喺頒獎禮上識咗唔少當地電影人，自己都希望嚟緊會有機會去當地拍戲呀。