恭喜！恭喜！2019年結婚嘅 張寶兒 同 袁偉豪 早前宣佈懷孕，Bowie喺懷孕後逐漸減少工作，只係不時於網上平台分享陀B心情同，近日Bowie已經減少出Post，直至剛剛踏入21號，佢就經社交平台宣佈已經分娩，為阿Ben誕下重6磅13安士嘅囝囝。

阿Ben同Bowie嘅愛慵結晶品日前出世

Bowie留言指BB17號出世，而近日正忙於拍攝新劇嘅爸爸阿Ben亦陪伴身旁侍產，仲分享幾張同BB嘅溫馨合照，佢留言話：

Bowie榮升人母，接近7磅嘅囝囝非常可愛

2023年11月17日，我終於見到爸爸媽媽了！
媽媽一聽到我落地哇哇大喊，就激動得眼淚不斷流
爸爸全程陪伴在旁，更加喜悅地拍下了整個過程
他一剪臍帶我已經急不及待張開雙眼來𥄫𥄫他👀🤭

正趕拍新劇嘅阿Ben亦陪住太太見證BB出世，睇佢笑容就知有幾開心喇

多謝婦產科張智醫生非常專業，讓爸媽整個孕程產檢都很放心，媽媽開刀生產很順利，產後傷口也不痛，很快可以下床
多謝麻醉科陳俊輝醫生，儘管媽媽血管很幼，也成功很快手幫她打點滴和麻醉針
多謝兒科楊萬鋒醫生，在我一出世後便照料我，觀察我的變化和狀態
更要多謝醫院裡的護士長Ruby和好多姑娘們 日以繼夜耐心地照顧我和媽媽的生理需要和心理變化，
又教導媽媽如何餵飼我照料我，讓我們可以在赤裸坦誠地依靠她們。

多謝大家好多好多的愛護和祝福
以此報平安
非常感恩🙏🏻
也非常期待我的家🥰🥰♥️♥️

袁偉豪同張寶兒（Bowie）嘅寶貝仔「袁咕碌」喺上月17號出世，唔經唔覺經已過咗十二朝，兩夫妻派薑醋同大家分享喜悅，順道公布「袁咕碌」嘅中文名叫袁晞祐。

兩夫妻派薑醋同大家分享喜悅，順道公布「袁咕碌」嘅中文名叫袁晞祐。

袁偉豪雖然忙住拍攝劇集《法證先鋒6之倖存者的救贖》，但一有時間就會返香港湊B，日前佢上載B仔搞怪表情，話同爸爸神同步並留言: 「每天只可以靠太太用視訊看看寶寶的日常，可愛的小孩子真的令我忍不住要拼一個圖，係！佢係我個仔，肯定的。」

袁偉豪雖然忙住拍攝劇集《法證先鋒6之倖存者的救贖》，但一有時間就會返香港湊B。袁偉豪同張寶兒嘅寶貝仔「袁咕碌」喺上月17號出世。

Bowie日前被野生補獲去為初生兒子申請回鄉證件，相信為方便抱B去深圳探老公班！袁偉豪亦好努力搵奶粉錢，一月同兩位好爸爸陳山聰同譚俊彥以「好男人」嘅名號去馬來西亞開演唱會。

袁偉豪一月同兩位好爸爸陳山聰同譚俊彥以「好男人」嘅名號去馬來西亞開演唱會。袁偉豪上載B仔搞怪表情，話同爸爸神同步。