阿佘嘅主播Tone被網民大讚幾可亂真。由佘詩曼領軍嘅台慶劇《新聞女王》日前喺內地首播後掀起唔少熱話，仲登上內地微博熱搜榜。而呢套劇20號晚亦喺翡翠台首播，唔少網民大讚兩位女主角佘詩曼及李施嬅演技到家，除讚佘詩曼主播Tone幾可亂真，又指李施嬅似足跑現場嘅傳媒。
每集都會有唔同嘅小劇場做間場。
每集《新聞女王》都會有小劇場做間場，當中都係新聞專業用語嘅解釋，或者係名人經典語錄，兩者將交替出現突顯每集主題。第一集嘅小劇場由佘詩曼飾演嘅Man姐擔正，雖然只得四分鐘，但已經將Man姐高冷、果斷同有智慧嘅女強人人設立體展現，當中佢反問熱血學生Bella（郭柏妍飾），更加係句句稱神：「觀眾望住個畫面就決定轉台定繼續睇落去，你有冇把握黃金七秒？」、「想做主播淨係有記者Sense 唔夠架喎」。
阿佘嘅霸氣對白同演出被網民稱yyds！
而首集圍繞住一場大型巴士翻側意外展開，SNK News兵分三路做故仔，由Man姐率領、核心成員有佢嘅貼身跟班曉薇（何依婷飾）嘅文家軍，同馬國明飾嘅梁景仁所率領嘅佐治黨，核心成員有擅於搜集爆炸性花生角度的Cathy（高海寧飾），以兩個截然不同嘅角度進行調查及採訪，至於李施嬅飾演嘅張家妍，就帶住表現不佳嘅新人唐芷瑤（陳曉華飾）衝上最前線。
 高海寧喺劇中係佐治黨嘅核心成員。
首集佘詩曼可以話係由頭帶到落尾，佢喺劇中展現嘅主播Tone更令觀眾驚艷，對此阿佘透露自己好早就已經開始做功課：「開拍前大半年我已經睇緊劇本，當時亦開始做功課練聲，睇咗好多唔同國家新聞主播報新聞，睇吓邊種演繹方式啱Man姐。」由於對白又長又涉及大量專業名詞，阿佘笑當時每日嘅密集式開工，就好似打仗咁：「我每日拍十幾場戲，工作量大又多嘢記，每日收工返到屋企好似打完一場仗咁，不過自己都享受呢種成功感。」
首集就發生巴士翻側事故。首集就發生巴士翻側事故。
Man姐其他霸氣語錄：
‧「呢行邊個唔搶呀？搶獨家 搶頭條 搶畫面 搶人！」
‧「咩都要我講你先識做，公司可以冇咗你架喇喎」
‧「依家上網咁多嘢睇，點解一定要睇我哋先？所以我哋要多角度、專業分析、要新嘢、觀眾未見過嘅最好」

《新聞女王》逢星期一至五 20:30 翡翠台
馬國明喺劇中同阿佘成日爭新聞。

TVB台慶劇《新聞女王》收視不斷報捷，雖然劇集仍熱播當中，為咗表揚一班同事嘅辛勞，電視廣播有限公司行政主席許濤先生呢日宴請台前幕後慶功，即場加碼利是抽獎，曾志偉及樂易玲亦有現身。

講到劇集再次牽起觀眾追劇潮，佘詩曼同高海寧（高Ling）等一眾演員都覺得相當振奮，分別講自己嘅感受，阿佘指成班人好耐冇坐埋一齊食飯，佢希望開拍續集，今次團隊合作得好開心，而高Ling每晚工作忙完都會上網追睇網民留言。何依婷喺劇中患有抑鬱症，有收到一啲受情緒困擾嘅網民私訊，感覺好似有共鳴。

王敏奕被追問係咪會黑化，王敏奕就叫大家可以留意吓，但係佢笑指呢個世界有啲人係永遠唔會變；向展鵬日前喺社交平台發文罵某女歌手扮嘢，被指為當事人嘅車婉婉有親自回應事件，婉婉又指若果真係令對方咁唔開心，自己都有啲唔好意思，但係自己真係一頭霧水。