無垠之疆丨陳貝兒被患眼疾BB整破防 於扎墨公路遇意外要涉水而行

無垠之疆丨陳貝兒被患眼疾BB整破防  於扎墨公路遇意外要涉水而行

陳貝兒Janis主持嘅《無窮之路III-無垠之疆》7號晚播出嘅一集,繼續同觀眾遊走西藏,分別去到阿里同林芝。

位於青藏高原西北部嘅阿里,係世界屋脊中嘅屋脊,由於紫外線指數特別強,導致當地居民嘅眼疾問題特別嚴重,有人30歲開始就患白內障,更有啲小朋友天生眼睛就出現問題。有一班嚟自陝西嘅醫療團隊喺當地進行援助,Janis深入牧區鄉村觀察援助情況,
陳貝兒見到呢個未足一歲嘅BB,眼疾唔能夠醫治後,𣊬即淚崩。陳貝兒忍唔住落淚。
當見到唔少襁褓中嘅嬰兒等睇醫生時,Janis感觸哽咽話:「好多小朋友天生眼睛有事,冇擘大過對眼,睇唔到嘢。」當中有一位未足一歲嘅BB,被判斷眼睛萎縮失明時,Janis再忍唔住直接破防落淚。
 
喺當地做援助嘅醫療團,工作亦同樣辛苦,因為疫情嘅關係,好多人已經有兩、三年冇返過家鄉,醫療隊隊長郭振軍院長喊住咁話:「去年中秋節時,跟我媽媽視頻的時候,當時我也大哭了一場,因為很虧欠家人,但我覺得阿里的百姓更需要我們,這個地方更能體現我們作為醫護人員的價值。」醫療隊嘅無私奉獻,令人肅然起敬。
醫療隊隊長郭振軍院長駐守阿里服務民眾。
離開阿里,攝製隊出發去到恍如世外桃源嘅林芝,沿途走訪了世界第一大峽谷雅魯藏布大峽谷、佛掌沙丘、索松村、布久拉康寺以及有「西藏的瑞士」魯朗林海,Janis仲喺魯朗林海遇到這次行程嘅第三條彩虹,非常Lucky!
 團隊遇到呢次行程嘅第三條彩虹。
而8號晚播出嘅最後一集,Janis同攝製隊出發去到呢次行程嘅最後一站墨脫。「入藏艱難,進入墨脫更加是生命的一場賭博」,以前要進入墨脫需要徒步五天,穿越暗藏大量毒蛇、毒蟲嘅森林,再要攀過一座海拔4,000米嘅雪山先可以進入墨脫,政府為咗幫助墨脫居民走出大山,決定建築一條扎墨公路,但由於通路嘅地段位於喜馬拉雅斷裂帶,塌方、泥石流、地震等等天災數之不盡,工程難度可謂世界級,最終耗時60年、耗資20多億工程費才完成。Janis駕車駛入全國最難建築嘅扎墨公路,期間遇到小意外,其中有條橋無故被大石擋着,令到Janis要兜路涉水而行,相當驚險,難怪Janis大嘆:「呢條路起嗰時已經好困難,揸呢條路一樣唔容易,真係要打醒十二分精神!」
 遭石頭擋路,令Janis要兜路涉水而行。
穿過117公里嘅扎墨公路後,終於去到目的地墨脫,Janis走入藏於山中嘅格林村同背崩鄉,體驗少數民族門巴族的生活兼大歎門巴農家菜,Janis對當地名菜石鍋雞情有獨鍾,好味嘅秘方原來是歷史悠久的脫墨石鍋!行程尾聲,經歷了2個月新疆、西藏自駕遊,走了14,019公里的車程,Janis將會分享今次旅程的心路歷程,大家記得留意《無窮之路III-無垠之疆》。

《無窮之路III-無垠之疆》最後兩集  星期四、五 22:30 翡翠台

TVB賽馬日盛大舉行 藝員盛裝打扮參與盛會

由 TVB 同 香港賽馬會 攜手舉辦嘅「TVB 賽馬日」星期日喺沙田馬場隆重舉行。

電視廣播有限公司行政主席 許濤 率領總經理(節目內容營運) 曾志偉、總經理(商務營運)蕭世和先生,以及一眾管理層與及近40位藝員同港姐出席。

TVB同馬會管理層一同出席祝酒儀式

TVB賽馬日共舉行10場賽事,當中「TVB 盃」於第八場上演,備受全場矚目。出席藝員則包括陳貝兒、姚子羚、郭柏姸、蔡思貝、劉佩玥、陳煒、朱晨麗、陳曉華、高海寧、劉穎鏇、朱凱婷、蔡菀庭、林鈺洧、胡楓、陳展鵬、譚俊彥、羅子溢、張振朗、周嘉洛、黃子恆、何廣沛、丁子朗、張景淳、羅天宇、周吉佩、邢慧敏、馬貫東、2023 香港小姐冠軍莊子璇、亞軍暨最上鏡小姐王怡然、季軍王敏慈及友誼小姐姜依宁。

呢日近40位藝員同事現身參與盛事

而賽馬會行政總裁應家柏、賽馬事務執行總監 夏定安、公司事務執行總監 譚志源 同客戶策略、體驗及創新事務執行總監侯德洋,仲有各慈善團體代表親臨現場全力支持年度盛事「TVB 賽馬日」。

2023香港小姐冠軍莊子璇向冠軍騎師頒獎

龍年大年初九舉行嘅賽馬盛事,充滿住「龍龍」嘅新春喜氣,非常熱鬧。TVB賽馬日現場星光熠熠,超過250位社會賢達、馬圈名人、影視紅星齊齊以TVB台徽顔色藍、綠、紅為服裝主題,盛裝出席見證賽事。

修哥胡楓化身財神向現場嘉賓派發利是

今日現場更特別加設香港特色美食雞蛋仔義賣專區,由藝員 張景淳 同 羅天宇 親自炮製同義賣別出心裁嘅巨型雞蛋仔,為無綫電視暨職藝員愛心基金籌募善款,吸引各界善長仁翁踴躍捐輸,為慈善不遺餘力。

近年發展小食生意嘅張景淳、羅天宇等義賣雞蛋仔籌募善款

高海寧名陳展鵬就頒發最佳外觀獎

此外,陳百祥(叻哥)、馬評名嘴方駿暉亦現場提供贏馬貼士,氣氛緊張熾熱;而《中年好聲音 2》嘅參賽者安雅希、陳蒨葶、林若盈、黃劍文、顏米羔、古淖文現場獻唱金曲,為活動再添熱鬧氣氛。

《中年好聲音2》嘅唱將亦都於現場為賓客演出


 相關推薦

熱門搜尋