StarTalk丨林峯投訴新歌《無傷大雅》難唱 吳林峰首度合作坦言因恨生愛

如果自己嘅名同名人或者明星好相似，甚至係撞名，究竟係好處多定係壞處多？問吓吳林峰就知道！

林峯同吳林峰首度合作新歌《無傷大雅》，呢日兩人一齊作客TVB娛樂新聞台節目《StarTalk》，跟主播許文軒分享二人合作淵源，林峯話一開始留意到吳林峰確實係因為對方個名，同第一次見到吳林峰真人，同想像中有好大落差，林峯仲投訴吳林峰寫嘅歌太難唱，自己錄得好辛苦！

至於講到撞名嘅困擾，吳林峰因為林峯太紅，所以由小學開始已經不停被人提醒，搞到自己不得不留意林峯嘅歌，估唔到聽聽吓仲欲罷不能，連參加歌唱比賽都要唱林峯嘅歌，吳林峰仲搞笑話自己對林峯係因恨成愛！