丁文俊孖老友粉絲出海慶祝生日 盼今年脫單覓靈魂伴侶

丁文俊獲成班「中一生」及「愛丁寶（粉絲名）」陪伴出海慶祝生日，佢話今年生日過得特別開心，雖然天氣較為寒冷，但係見到咁多人錫自己，佢都感到暖在心頭，即場喺船上舉行咗一個迷你音樂會，實行盡情玩。

講到準備咗咩禮物畀壽星仔時，林鉫徫話丁文俊鍾意飲酒，所以大家同一時間買咗好多酒上船，可以形容為品酒自助餐，丁文俊笑指飲晒先好走。

人緣好好嘅丁文俊，可惜就欠缺咗啲啲姻緣運，講到今年嘅生日願望，佢話希望可以鈎到soulmate（靈魂伴侶），身邊嘅中一生老友即刻歡呼。林鉫徫問丁文俊嘅擇偶條件係咩，陳早怡就話自己努力咗好多年介紹女仔畀丁文俊認識。丁文俊又話自己擇偶條件就係心地好、人品好，因為心地好就自然靚，顏志恒同鄧顥懷幫手物色一下。