丁文俊孖老友粉絲出海慶祝生日 盼今年脫單覓靈魂伴侶

丁文俊孖老友粉絲出海慶祝生日 盼今年脫單覓靈魂伴侶

丁文俊獲成班「中一生」及「愛丁寶(粉絲名)」陪伴出海慶祝生日,佢話今年生日過得特別開心,雖然天氣較為寒冷,但係見到咁多人錫自己,佢都感到暖在心頭,即場喺船上舉行咗一個迷你音樂會,實行盡情玩。

講到準備咗咩禮物畀壽星仔時,林鉫徫話丁文俊鍾意飲酒,所以大家同一時間買咗好多酒上船,可以形容為品酒自助餐,丁文俊笑指飲晒先好走。

人緣好好嘅丁文俊,可惜就欠缺咗啲啲姻緣運,講到今年嘅生日願望,佢話希望可以鈎到soulmate(靈魂伴侶),身邊嘅中一生老友即刻歡呼。林鉫徫問丁文俊嘅擇偶條件係咩,陳早怡就話自己努力咗好多年介紹女仔畀丁文俊認識。丁文俊又話自己擇偶條件就係心地好、人品好,因為心地好就自然靚,顏志恒同鄧顥懷幫手物色一下。

曹敏寶被傳介入梁浩銓家庭雙出軌 貼家庭照曬幸福力證老公支持

曹敏寶被傳介入梁浩銓家庭雙出軌 貼家庭照曬幸福力證老公支持

《中年好聲音》唱將曹敏寶與梁浩銓早前傳出雙雙出軌,梁浩銓曾受訪表示暫時同大肚老婆分居,又指二人分開不牽涉第三者,曹敏寶稱兩人只係朋友關係劃清界線。曹敏寶噚日喺社交平台留言「患難見真情;你若盛開,清風自來」回應緋聞,今午喺IG再貼與老公合照,稱早幾日全年最凍嗰日去咗嘉年華玩,似係貼全家福力證家庭幸福。
曹敏寶今日貼出早前一家人去玩嘅照片。

曹敏寶今午喺IG再貼與老公合照,稱早幾日全年最凍嗰日去咗嘉年華玩。



曹敏寶今日再次貼出家庭照似係再次暗示獲老公信任。

曹敏寶於2018年與科學家林潤生結婚,二人育有一對仔女,曹敏寶前年出戰《中年好聲音》曾向老公發表愛的宣言:「老公沒有你,我甚麼都不是」,不過梁浩銓曾半開玩笑式表示喜歡女方,又有指梁浩銓手上紋有「MC」,令曖昧關係甚囂塵上;近日忽然傳出曹敏寶出軌介入梁浩銓家庭嘅傳聞,事後曹敏寶表示獲得丈夫支持及信任,指當初自己患焦慮症處於低谷,「佢喺度,今日亦都一樣」,佢受訪時稱最擔心媽媽受不實傳聞困擾,亦有感激一眾朋友嘅關心,緋聞傳出後已跟梁浩銓冇再聯絡,而曹敏寶今日再次貼出家庭照似係再次暗示獲老公信任。
梁浩銓曾半開玩笑式表示喜歡女方,又有指梁浩銓手上紋有「MC」,令曖昧關係甚囂塵上。

熱門搜尋