吳慷仁打敗梁朝偉獲封影帝 自細受TVB及港產片啟發

吳慷仁打敗梁朝偉獲封影帝 自細受TVB及港產片啟發

一向出名好演技嘅金馬影帝吳慷仁,日前打敗梁朝偉等勁敵,勇奪香港電影評論學會大獎最佳男主角,呢日佢出席一個時裝活動,提到得獎心情,慷仁表現得好謙虛,仲話自己細細個已經睇好多TVB劇集同港產片,所以自己喺做戲方面受到好多演戲前輩嘅影響。

同場出席活動嘅仲有曾之喬同林哲熹,喬喬近期因為少咗喺社交平台同老公辰亦儒放閃,所以引來婚姻亮紅燈傳聞,喬喬澄清話因為自己過咗新婚甜蜜期,所以先會少咗放閃,不過佢就坦言因為疫情而不斷延期嘅婚禮,可能唔會補辦,因為已經冇咗嗰種衝動!

至於林哲熹就好甜蜜!事關佢啱啱向拍拖10年嘅經理人女友求婚成功,真係恭喜晒呀!

吳慷仁首提名金馬即封帝被吳建豪誇帥 李心潔為作品與導演擦出不少火花

新鮮出爐嘅金馬影帝吳慷仁呢日聯同電影監製李心潔、導演王禮霖等一齊現身台北首映禮,梁雍婷同温昇豪亦有站台支持,吳慷仁首提名金馬即封帝,祝賀短訊收不停,佢笑指冇特別慶祝,而媽媽電視守候睇到喊。

吳慷仁奪獎時淚謝已故導演陳慧翎,更指自己比吳建豪有型,吳慷仁笑言吳建豪有親自回應「你帥啦」,因為彼此交情好,大家經常開玩笑,而貴為影后嘅心潔,更為作品與導演擦出不少火花。

 相關推薦

熱門搜尋