2024風生水起丨吳幸美未來老公係安德尊? 朱咪咪被爆富戶有好幾間屋

2024風生水起丨吳幸美未來老公係安德尊? 朱咪咪被爆富戶有好幾間屋

風水賀年節目《2024風生水起》30號晚播出一集「龍年開運搵師傅」,請嚟吳幸美、何依婷擔任嘉賓,身為單身貴族嘅吳幸美希望龍年盡快脫單,至於新婚嘅何依婷則想婚姻事業兩得意。
30號晚播出一集「龍年開運搵師傅」,請嚟吳幸美、何依婷擔任嘉賓。
玲玲師傅指女性眼大旺桃花,但同時容易畀人呃,大眼妹何依婷話:「我真係容易畀人感動到!」玲玲師傅續指眼睛唔大唔細嘅吳幸美係屬於理智型,有時會諗得太多而錯過好姻緣,身為《東張西望》主持嘅吳幸美聞言笑謂:「訪問太多情騙個案,睇得愈多,個心就愈驚,有人追時就驚會唔會係呃我感情。」玲玲師傅批吳幸美嘅命格宜嫁到世界邊端。節目仲預測吳幸美未來老公面相,當中以大王安德尊最符合條件,玲玲師傅話:「大王符合晒我講嘅條件,眼大、鼻翼大。」吳幸美聞言即話對方已經有宋芝齡,場面搞笑。
吳幸美希望龍年盡快脫單,何依婷則想婚姻事業兩得意。
「區區行大運」環節,丞丞師傅帶大家遊北角,佢指北角屬於貪狼格局利出文人雅士,唔少報業亦係喺此起家。之後丞丞師傅帶大家去到皇都戲院,原來戲院門口打斜開對正馬路係為咗避煞。「龍年帶富碧人來」碧霞師傅為觀眾擇吉日大掃除,佢指除咗家居,電話、電腦同樣要大掃除,碧霞師傅又建議理財投資 App 可以放喺電話桌面下方,社交網 App 則宜放在桌面左方。「元來家家有天機」元海師傅教大家搵出家中凶星位及化解大法;「新春『關』心你」楚淇師傅為大家講述唔同顏色與姿態嘅關帝像,背後有啲咩唔同意義。
咪咪姐被爆有好多間屋。
而31號晚播出一集,「龍年開運搵師傅」請嚟朱咪咪任嘉賓,玲玲師傅指肖龍嘅咪咪姐命格多土,對脾胃健康有影響,玲玲師傅指多參加喜慶事同家居裝修對咪咪姐有幫助,更爆料話:「你好似有幾間屋準備裝修!」咪咪姐則笑話佢爆人大鑊,之後又自言自己恨抱孫,佢透露大仔兩夫婦努力咗 2、3 年仲未有好消息,玲玲師傅即向佢傳授添丁攻略!
咪咪姐好想抱孫。
呢集「區區行大運」丞丞師傅帶大家到南區遊船河尋龍,仲會到鴨脷洲洪聖古廟,原來廟前兩支龍柱有迎天接福嘅意思,相傳係為咗抵擋對岸「虎地」煞氣而建,丞丞師傅仲公開南區2024年地運。碧霞師傅喺「龍年帶富碧人來」入面,細數財運亨通面相,以及於立春觀鼻及掌色便能知道流年財運!「元來家家有天機」元海師傅同太太海嫂會教大家搵出家中男主位和女主位;「新春『關』心你」楚淇師傅除咗會講解頭炷香由來,仲會教大家裝香嘅正確手勢。

風水賀年節目《2024風生水起》1月29至31號 22:30 翡翠台

薛家燕今晚登陸J Music 大唱賀年歌祝大家新年快樂

今晚播出的J Music迎來一位重量級嘉賓,就是「家燕媽媽」薛家燕。節目中,薛家燕會演唱賀年歌曲,與眾同樂,慶賀新春。

請密切留意今晚的J Music。

 相關推薦

熱門搜尋