楊紫瓊激罕提及與潘迪生離婚原因 承認自己身體問題生唔到小朋友

楊紫瓊最近接受Gwyneth Paltrow嘅訪問，當中罕有提到佢同潘迪生嘅婚姻。Gwyneth Paltrow問到楊紫瓊佢嘅第一段婚姻冇生小朋友，會唔會覺得難過？楊紫瓊直接承認自己有因此而難過，因為佢好鍾意小朋友，但無奈佢哋做盡可以做嘅嘗試，結果都係未能如願，楊紫瓊更承認係自己身體嘅問題。
楊紫瓊最近接受Gwyneth Paltrow嘅訪問。（goop影片截圖）
楊紫瓊知道前夫渴望有一個大家庭，希望一個兩個甚至三個小朋友，去繼承佢嘅事業王國，所以當時楊紫瓊就諗，已經過咗10年喇，但佢哋都係冇小朋友，佢哋仲可以點樣行落去？楊紫瓊承認冇小朋友係導致二人離婚嘅導火線，佢指雖然離婚呢個決定好難，但佢話覺得呢個決定係啱嘅，而唔係呃自己一切都會好起嚟。
楊紫瓊承認因為生育問題而與潘迪生離婚。（goop影片截圖）
雖然二人最後離婚，但楊紫瓊指自己同前夫嘅關係仍然好好，前夫嘅大女更加係佢第一個godchild，而佢更會同前夫第一任嘅前妻一齊去旅行，Gwyneth Paltrow聽到覺得成件事好amazing，楊紫瓊就話當放下、接受後，一切都一樣。

（goop影片截圖）