與劉冠廷大尺度床戲令老公呷醋 隋棠爆老公話：期待你完全屬於我

現年43歲嘅隋棠，呢日現身台北一個醫美活動，雖然佢已為人母，但因為駐顏有術令佢成為凍齡美魔女。呢日佢就同大家分享保養心得，佢話女生要維持自己嘅狀態，除咗可以靠科技之外，本身食嘅食物、體內嘅環保同運動嘅習慣都需要有。隋棠又指補品方面自己偏愛紅棗、枸杞呢啲傳統嘅食補方法，另外就係每日起身都會飲杯溫水。

隋棠同劉冠廷主演嘅劇集一開播就成為收視冠軍，佢哋喺劇中嘅床戲非常大尺度，雖然隋棠一直得到老公支持佢嘅演藝事業，但問到佢同老公一齊睇自己演出嘅親密戲時嘅反應，隋棠就話係有種好怪嘅感覺，但係對方冇叫佢唔好再演呢類戲，強調老公只係希望佢開心，雖然老公好想支持同尊重佢嘅工作，但遇到呢啲類演藝工作都有會有無法理解嘅時候，所以隋棠話自己都會包容老公呷醋，佢仲爆老公喺結婚9周年時對佢講：「我很期待你完全屬於我的那一天。」