崔岷植讚金高銀演神婆極神似 擔心對方上癮轉行棄做演員

由崔岷植、金高銀、柳海真等主演嘅驚慓新戲，眾演員呢日喺導演張宰賢率領下，齊齊出席記招造勢，承接張導上兩部電影，再次探討超自然工作所遇見嘅光怪陸離，新戲未上映都已經話題十足，崔岷植更大讚金高銀演技出眾，演神婆真係極神似，令佢擔心對方再演落去會唔會轉行。

而金高銀就透露自己係得到好友朴正民嘅大力推介先可以得到呢個角色。初次拍呢類題材嘅金高銀，表示最初都擔心會唔會喺片場見到阿飄，不過好在拍攝現場氣氛超級愉快，前輩們好識搞氣氛，令佢嘅擔心都一掃而空，加上因為套戲喺鄉村拍攝，所以呢段時間好似去咗旅行咁呀。