崔岷植讚金高銀演神婆極神似 擔心對方上癮轉行棄做演員

崔岷植讚金高銀演神婆極神似 擔心對方上癮轉行棄做演員

由崔岷植、金高銀、柳海真等主演嘅驚慓新戲,眾演員呢日喺導演張宰賢率領下,齊齊出席記招造勢,承接張導上兩部電影,再次探討超自然工作所遇見嘅光怪陸離,新戲未上映都已經話題十足,崔岷植更大讚金高銀演技出眾,演神婆真係極神似,令佢擔心對方再演落去會唔會轉行。

而金高銀就透露自己係得到好友朴正民嘅大力推介先可以得到呢個角色。初次拍呢類題材嘅金高銀,表示最初都擔心會唔會喺片場見到阿飄,不過好在拍攝現場氣氛超級愉快,前輩們好識搞氣氛,令佢嘅擔心都一掃而空,加上因為套戲喺鄉村拍攝,所以呢段時間好似去咗旅行咁呀。

電影泉攻略|韓國直擊《沙丘瀚戰:第二章》首映盛況 演員導演專訪分享拍攝點滴丨EP92

王鎮泉 Jeoffrey  每星期為你提供最熱辣電影資訊,中外猛片專訪花絮上映時間全部集齊。「電影泉攻略」每周四買定爆谷陪你睇新戲。

科幻新片《沙丘瀚戰:第二章》早前喺首爾舉行首映,泉叔亦代表ENews飛往當地採訪,上集喺奧斯卡奪得六個獎項之後,第二集承接上集結局,繼續由《旺卡》男主角 「甜茶」  Timothee Chalamet 主演,今次演員同導演專訪就分享咗吓拍攝點滴,亦提到拍攝前經譆好一段時間嘅動作訓練,而要學講Chakobsa語言一樣吃盡苦頭。

本周嘅新片速遞:

《沙丘瀚戰:第二章》嚟到第二集繼續探索保羅嘅奇幻之旅,佢同采寧及弗雷曼人聯手,向摧毀佢哋家庭嘅敵人展開復仇之戰,面對一生摯愛及宇宙命運之間嘅決擇,必須竭力阻止只有佢先能夠預見嘅可怕未來。

《可憐的東西》由金像影后愛瑪史東主演,講年輕女子Bella被古怪科學家救活,賦予全新生命。復活後嘅貝拉,喺成熟女性外表之下竟然只有小孩心智,天真好奇、隨心縱慾、不受束縛,對未知嘅世界非常饑渴。

《紅毯先生》由劉德華飾演巨星劉偉馳,又一次與獎項失之交臂,試圖通過出演農村題材電影贏得國際獎盃,為咗演好呢個角色,佢深入農村體驗生活,卻引發鬧劇不斷,引發史無前例嘅公關危機……

《北極百貨的秋乃小姐》故事講述秋乃作為一名新手禮賓小姐,開始喺華麗而神秘嘅北極百貨店工作,呢間舖頭員工係人類,所有光顧嘅顧客都係動物。 秋乃每日努力奮鬥,與各種各樣嘅動物客戶建立深厚友誼。

 相關推薦

熱門搜尋