黃美棋過大禮儀式眼濕濕 爆準外父外母滿意Ray誠意之作

黃美棋舊年8月生日嘅時候答應拍拖11年男友鍾健威求婚，美棋BB之前講過話要協調兩家長輩嘅要求擇吉日同搵場地擺酒。佢同阿Ray終於克服重重困難，宣布完成過大禮環節，美棋BB話睇住眼前一切傳統儀式發生，不知不覺就被感動到眼濕濕。

鍾健威克服重重困難，終於完成過大禮環節。

除咗感激大家為佢同阿Ray過大禮儀式嘅悉心安排，多謝大家嘅愛鍚同感謝一班猛男兄弟。準新袍話最重要係多謝鍾生同佢屋企人對自己嘅愛護，所有嘅安排、每樣都係自己喜歡嘅，佢仲話準外父外母都好滿意Ray嘅誠意之作。
啲金鈪好有份量！
美棋BB又講到自己係細女，哥哥娶咗個日本阿嫂，家姐嫁咗個澳洲姐夫，所以咁大個女真係第一次經歷呢個儀式。由細到大佢都喺度諗，如果將來有一日自己出嫁，除咗有龍鳳鈪、金鏈等等，我希望係戴住一頂鳳冠，點知佢真係搵到一頂合心水嘅鳳冠。美棋感激各方嘅幫忙同愛戴，佢同阿Ray準備迎接新嘅開始。
黃美棋話準外父外母對鍾健威好滿意。