大灣區美味好玩攻略｜鄧凱文初拍綜藝穿水著派福利 麥包黑膠唱片終極曝光

由麥長青、江美儀擔任主持嘅旅遊飲食節目《大灣區美味好玩攻略》，最後兩集繼續有「芊芊」郭柏姸擔任嘉賓，夥拍首次拍攝旅遊節目嘅「東張女神」鄧凱文，兩位青春可人的美女帶大家上山下海，鄧凱文更大方以水著上陣浸溫泉！
 郭柏姸同鄧凱文同大家上天下海搵好玩嘅節目。
四位喺今晚率先玩轉惠州，先後遊覽水東街、惠東縣臨海景點，一邊享受美食，一邊欣賞一望無際、通向太平洋嘅蔚藍大海景色，真係Chill爆啊！要等水退先可以去嘅情人島、韓劇式浪漫礁石禮堂是情侶至愛打卡熱點。鄧凱文更用「峇里島2.0」形容呢個地方，佢更自揭夢想婚禮條件正係陽光與海灘，希望將來可以喺呢度在此舉行婚禮。

鄧凱文更大方以水著上陣浸溫泉！
而全集焦點一幕就係喺溫泉酒店！鄧凱文繼去年參選港姐後，再次以泳裝呈現觀眾眼前，但相反身為師姐嘅Rosita就由頭包到落腳勁密實，搞到鄧凱文以為自己著錯泳衣，相當好笑。
 四位主持放開玩。
去到最後一集，四位就會轉戰深圳繼續吃喝玩樂，並於大型商場玩盡多項活動，之後麥包再帶大家到擁有300多年歷史嘅甘坑古鎮，同超過1,700年歷史嘅南頭古城遊玩。兩個古城經過活化後變得極具新潮，其中一間火鍋店為搞gimmick，提供「漢服體驗」，貪玩嘅Rosita同鄧凱文即刻換上漢服大玩「穿越」，齊齊回到古代打邊爐，場面搞笑。

搵到張不得了嘅黑膠！
最令大家驚喜係，兩位還無意間發現麥包錄製嘅《好男人》黑膠唱片，而麥包就解釋，呢隻黑膠片係喺幾年前應友人邀請錄歌做慈善，可惜撞正疫情一直發布無期，如今唱片終於面世，希望大家支持一下！

《大灣區美味好玩攻略》最後兩集 星期四、五 22:30 翡翠台